Informashon di nos selekshon kampion di Karibe, ku a biaha pa Merka pa kumpli ku nan kopromisonan di Gold Cup 2017.

Djarason, 5 di yüli, nos selekshon nashonal a sali pa Merka pa kumpli ku nan kompromisonan di Gold Cup 2017!
E partidonan aki lo tuma lugá dia 9, 13 i 16 di yüli na diferente siudat di Merka!

Despues di a logra konkistá e título máksimo durante e gran final di Scotiabank Caribbean Cup 2017, awe djarason, 5 di yüli, den oranan trempan di mainta nos selekshon nashonal a sali rumbo pa Merka pa kumpli ku nan kompromisonan di Gold Cup 2017!
7 di mart último, CONCACAF a revelá kua ta e paisnan ku lo forma parti di e 3 gruponan ku lo kompetí den e torneo aki i tambe e skema di wega pa Gold Cup 2017 na Brocade Club den Levi’s Stadium, Santa Clara California.

Nos grupo, grupo C, ta konstisti di e siguiente paisnan;
1. Mexico
2. El Salvador
3. Kòrsou
4. Jamaica

Miéntras den grupo A ta konsistí di e siguiente paisnan; Honduras, Costa Rica, Guyana Fransés ku Canada. Den Grupo B tin e siguiente paisnan; Merka, Panama, Martinique ku Nicaragua.

E promé ronda di weganan lo tuma lugá den 9 stadion na 9 siudat di Merka di 7 pa 16 di yüli 2017 i esaki nan ta lo siguiente;

7 yüli, Grupo A – NY/NJ – Red Bull Arena (Harrison, NJ)
8 yüli, Grupo B – Nashville – Nissan Stadium (Nashville, TN)
9 yüli, Grupo C – San Diego – Qualcomm Stadium (San Diego, CA)
11 yüli, Grupo A – Houston – BBVA Compass Stadium (Houston, TX)
12 yüli, Grupo B – Tampa Bay – Raymond James Stadium (Tampa, FL)
13 yüli 13, Grupo C – Denver – Sports Authority Field (Denver, CO)
14 yüli 14, Grupo A – Dallas – Toyota Stadium (Frisco, TX)
15 yüli, Grupo B – Cleveland – FirstEnergy Stadium (Cleveland, OH)
16 yüli, Grupo C – San Antonio – Alamodome (San Antonio, TX)

Despues di e promé ronda ta sigui e partidonan di ‘knockout’ ku lo ta den 5 stadion den 5 siudat di Merka.

Kuart final,19 yüli; Philadelphia – Lincoln Financial Field (Philadelphia, PA)
Kuart final,20 yüli; Phoenix – University of Phoenix Stadium (Glendale, AZ)
Semi final, 22 yüli; Dallas – AT&T Stadium (Arlington, TX)
Semi final, July 23 yüli; Los Angeles – Rose Bowl (Pasadena, CA)
Final, 26 yüli; Bay Area – Levi’s Stadium (Santa Clara, CA)

Skema di weganan Grupo C:

Fecha Orario Tim di kas Bishitante Stadion Siudat
1 9 yüli 2017 19:00 PM Kòrsou Jamaica Qualcomm Stadium San Diego
2 21:00 PM Mexico El salvador
3 13 yüli 2017 20:00 PM El Salvador Kòrsou Sports Authority Field Denver
4 22:00 PM Mexico Jamaica
5 16 yüli 2017 18:00 PM Jamaica El Salvador Alamodome San Antonio
6 20:00 PM Kòrsou Mexico

Djaluna 3 di yüli último Quenten Martinus ku aktualmente ta forma parti di e ekipo hapones Yokohama F. Marinos, a yega Kòrsou den oranan di atardi for di Hapon pa djòin nos selekshon. Quenten kende no ta un hungadó deskonosí pa nos selekshon mirando ku ela militá den pasado pa nos selekshon, a kuminsá ku e training nan mes ora pa ta kla pa e biahe pa Merka.

Nos ta deseá nos selekshon tur klase di éksito aya na Merka durante e Gold Cup 2017 i tin sigur ku nan lo bolbe trese e kopa kas!

5 yüli 2017