KOMUNIKADO DI KUERPO POLISIAL KÒRSOU Innovashon den forma di traha di polis

KOMUNIKADO DI KUERPO POLISIAL KÒRSOU
260 / 2017
24 yüli 2017
Innovashon den forma di traha di polis
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Despues di a deliberá i ku koperashon estrecho ku Minister di Hustisia, Kuerpo Polisial Kòrsou a kuminsá ku un forma inovativo pa atendé ku kasonan kaminda ora siudadanonan hasi keho ta evaluá e keho i sirkumstansianan di e delito i ta aktua mesora riba esaki(nan).
Ta trata aki di kasonan di ladronisia(ku violensia), maltrato, maltrato den esfera rashonal, destrukshon etc.
E kehonan kaminda e grado ta di tal forma ora e keda analisá ku por bai detené e sospechoso(nan), polis ta sali bai buska e sospechoso(nan) i detené nan mesora.
E forma di traha aki ya kaba a produsí alrededor di bintisinku(25) detenshon den korto tempu.
Ora detené e sospechoso(nan) aki ta presentá nan dilanti di un Fiskal Ouksiliar manera kustumber.
Polis konsekuentemente ta sera e prosèsverbal i ta manda esaki pa Ministerio Públiko pa persekushon.
Te na e momento aki nos ta satisfecho ku e resultado i ta sigui ehekutá esaki strukturalmente pa detené e sospechoso(nan) ku ta konosí i duna Ministerio Públiko e dokumentashon pa prosesá esaki. Diariamente nos lo duna un bista di e detenshon(nan) ku ta tuma lugá.
Nos ta supliká tur suidadano pa tuma e medidanan di prevenshon pa evitá pa nan bira víiktima di kualke krímen. Sinembargo si tòg esaki sosodé, pa hasi keho na polis si abo mes bira viktimá di kualke echo kastigabel i /òf ta na altura di un echo kastigabel a tuma lugá.
ABO I BO KUERPO POLISIAL, HUNTU PA TENE KORSOU SAFE I SIGUR