A selebrá promé aniversario di Starbucks Mambo Beach Boulevard
A selebrá promé aniversario di Starbucks Mambo Beach Boulevard
WILLEMSTAD – YÜLI – Na aña 2016, den luna di yüli, Kòrsou a haña e promé establesimentu di Starbucks den Caribe i Latinoamérika ku e konsepto ‘Starbucks Evening Program’, esaki na Mambo Beach Boulevard. Den un aña di tempu, e establesimentu di Starbucks na Mambo a bira un gran faborito i hasta ta figurá riba un lista mundial di 13 Starbucks ‘One Of A Kind’, na unda ta presentá e establesimentunan úniko den nan estilo. Tur esaki ta motibu sufisiente pa selebrá!
Djaweps último e tim dinámiko di Starbucks Mambo a selebrá e promé aniversario ku músika, un Frappuccino Happy Hour i repartishon di bolo pa tur kliente. Mas lat atardi klientenan a keda invitá pa e wine tasting ku a keda presentá pa Starbucks Kòrsou su Barista Champion, Danik Thielman. Durante dia, klientenan por a purba for di e menú nobo ku próksimamente lo ta optenibel na Starbucks Mambo. Klientenan di Starbucks Mambo ta keda invitá pa sigui selebrá e promé aniversario; Starbucks na Mambo Beach Boulevard ta ofresé un menú di biña, serbes pa adulto i un selekshon amplio di bebidanan elaborá ku kòfi i te. Tambe ta ofresé platonan chikitu ku fásilmente por wòrdu kompartí entre bishitantenan. Bishitá Starbucks na Mambo Beach Boulevard tur dia di siman; di djaluna pa djabièrnè for di 7:30 di mainta pa 10’or di anochi i djasabra ku djadumingu for di 8’or di mainta pa 10:30 di anochi.
