KOMUNIKADO DI KUERPO POLISIAL KÒRSOU Detenshon un sospechoso
KOMUNIKADO DI KUERPO POLISIAL KÒRSOU
186 / 2018
2 mei 2018
Detenshon un sospechoso
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djárason 2 di mei 2018, alrededor di 00.40 or, Sentral di Polis a dirigí unidatnan polisial na un minimarket na Schottegatweg West pa un kaso kaminda dos (2) kliente lo mester a paga ku dòler falsu.
Na e sitio en kestion e doño di e establesimentu a deklará na polis ku den oranan di mèrdia un hòmber a kumpra un bòter di wiski i paga ku un biyete di 100 dòler. Djis su tras a bini un otro hòmber di orígen Dominikano tambe ku un biyete di 100 dòlar i a kumpra algun kos. Dor ku e doño a haña e situashon un poko sospechoso el a laga kontrolá e biyetenan ku a resultá ku nan tabata falsu. Na e momento ku e doño tabata duna su deklarashon un di e hòmbernan aki a bolbe na e sitio pa kumpra mas kos. Mesora polis a hasi un kontrol riba e hòmber aki, alrededor di 01.15 or, Polis a detené e hòmber J.A.F. di 52 aña, nasé na Kòrsou, komo sospechoso pa falsifikashon di dokumentu. Tambe polis a konfiská dos biyete di 100 dòler falsu ku e doño di establesimentu a entregánan.
A presentá dilanti di un Fiskal Ouksiliar pa mas investigashon.