Ku presentashon di Juni Juliet i diferente aktividat spesial: Mama meresé e mihó brunch di Kòrsou!

Ku presentashon di Juni Juliet i diferente aktividat spesial:
Mama meresé e mihó brunch di Kòrsou!

WILLEMSTAD – MEI – Esaki t’e temporada ku tur yu ta kibra kabes pa mira kon ta sorpresá mama riba su dia. Esnan ku no tin’e mas ta buska e rosa di mas bunita i esnan ku tin’é, ta selebrá su bida hasiendo Dia di Mama un fecha spesial! Meskos ku añanan anterior Renaissance Curaçao Resort ta invitábo pa hasi reservashon trempan pa huntu ku bo famia bo sigurá un lugá pa djadumingu dia 13 di mei próksimo, entre 12’or di mèrdia i 3’or di atardi.

Mama meresé!
Spesialmente pa Dia di Mama, Renaissance Curaçao Resort a prepará un dia ku aktividat spesial i entretenimentu bibu. E tim kulinario di Nautilus i Atrium a prepará un menú variá konsistiendo di kuminda lokal i internashonal. Un brunch buffet sabroso ku vários ‘stations’ manera pasta, seafood, e famoso ‘carving station’ anto sin lubidá riba e ‘dessert’. Skohe unda bo ke sinta ku bo famia, sea ta na Nautilus òf den Atrium Ballroom. Un kos sí; reservá trempan!

Pa tur ku disfrutá di brunch den Nautilus lo tin músika bibu di Juni Juliet i den Atrium lo tin presentashon di Accoustic Meanings. Renaissance Curaçao Resort su Mothers Day Brunch lo ta únikamente 116 florin pa persona tantu na Nautilus i den Atrium. Preis di e Mothers Day Brunch, ta inkluí ‘Mimosa’ ilimitá, biña, serbes i limonada grátis. Ta risibí kòktel i likor tambe. Muchanan di 5 pa 12 aña ta paga mitar preis, miéntras ku mucha bou di 5 aña ta kome grátis! Ta rekomendá pa hasi reservashon na tempu; lugá ta limitá. Pa reservashon por yama 435.5034 pa Nautilus (nautilus@curacaorenaissance.com) òf 435. 5037 pa Atrium (navigator@curacaorenaissance.com) Hiba mama e brunch di mas popular i spesial na Kòrsou!