Pronóstiko di tempu pa Kòrsou i bisindario bálido te djamars mainta 06:00 o.l, 19 di mart 2019.

Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l, 19 di mart 2019.
Kompilá: djaluna 18 di mart 2019, 05:00 o.l. (11:00 UTC).

Tempu: Leve te parsialmente nublá ku posibilidat pa un òf mas áwaseru pasahero durante mainta tempran. Despues tempu lo ta seku i ku ménos visibilidat dor di stof di Sahara.

Temperatura máksimo lo alkansá 31 ºC i temperatura mínimo 25 ºC.
Solo ta sali 06:42 i ta baha 18:46 o.l.

Bientu: For di un direkshon generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga de bes en kuando te fuerte; forsa 6 (40 te 50 km/ora, 22 te 27 nudo).

Situashon general: Kondishon di wer un poko mas húmedo a sòru pa desaroyo di algun momento ku nubia i áwaseru durante di awe mainta. Mas despues, durante di awe den dia un sistema di preshon haltu ta kuminsá na influensiá e ambiente atmosfériko den nos área i asina stroba ku desaroyo di nubianan i mas áwaseru. Miéntras tantu, stof di Sahara ta drenta nos region i limitá e distansha di bista den nos área durante e próksimo dianan. Tambe, e fluho di bientu moderá te basta fuerte lo sigui i lo persistí durante e promé parti di e siman aki.

Kondishon di laman: Moderá ku altura di olanan entre di 1 i 2meter (3 te 7 pia).

Fenómeno spesial: Ningun.

Perspektiva te djarason mainta: Shelu lo ta tiki nublá ku un wer seku, bientu lo mengua un poko.

Meteorólogo: Figueroa