Resientemente den kuadro komersial entre La Guajira i Kòrsou, Minister di Enseñansa, Siensia, Kultura i Deporte sra. Marilyn Alcalá-Wallé den representashon di gobièrnu di Kòrsou, huntu ku Gobernador di La Guajira, sr. Wilson Rojas Venegas a hasi apertura ofisial di e ofisina di Kòrsou di e grupo di empresario Gran Caribe den un ambiente ameno.

Direktor di ADECK sr. Wilbert Geertuida a lanta huntu ku un grupo di emperesario/komersiante un organisashon empresarial ku ta trese komersiante di Colombia i Kòrsou den kontakto pa agilisá e desaroyo empresarial entre e dos paisnan. Ku esaki Kòrsou i Colombia ta estrechá e laso komersial ku akshonnan konkreto pa sòru pa alimento di forma duradero i pagabel pa nos na Kòrsou i ku ta sigui stimulá e desaroyo ekonómiko. Esaki ta un “win-win” pa ambos pais i e idea ta ku empresarionan di Kòrsou tambe por eksportá nan produktonan pa e hermana pais.