Kuater mucha lo tin chèns di gana un kuenta di spar ku 125 florin ‘Tesorito’ di Banco di Caribe ta kumpli 1 aña

Kuater mucha lo tin chèns di gana un kuenta di spar ku 125 florin

‘Tesorito’ di Banco di Caribe ta kumpli 1 aña

WILLEMSTAD:  Ya ta un aña pasá ku Banco di Caribe a introdusí su kuenta di spar pa mucha di 0 pa 18 aña. Un di e metanan primordial pa introdusí e kuenta di spar ‘Tesorito’ ta pa konsientisá tantu e mucha komo e mayor pa kuminsá spar tempran. Pa selebrá 1 aña di ‘Tesorito’, Banco di Caribe ta lansa un kampaña spesialmente pa mucha entre 4 pa 17 aña ku lo ta bálido te dia 30 di aprel próksimo.  

 

Gana den kampaña ‘Tesorito’

Partisipashon na e kampaña pa selebrá 1 aña di ‘Tesorito’ ta fásil; mucha entre 4 pa 11 aña por krea un arte di e plachi di klùr di ‘Tesorito’ ku ta disponibel na un di e filialnan di Banco di Caribe na Kòrsou òf por print esaki fásilmente via www.bancodicaribe.com. Por entregá e arte na un di e filialnan te dia 30 di aprel próksimo. Mucha di 12 pa 17 aña por graba un video di un baile kreativo trahá riba e jingle di ‘Tesorito’. E jingle ta disponibel riba e página di Facebook di Banco di Caribe. Unabes e video ta grabá, poné riba bo página di Facebook personal i ‘tag’ Banco di Caribe den dje usando e hashtag #BdCTesoritoChallenge. Tur video ku wòrdu di ‘post’ te dia 30 di aprel ta partisipá. Naturalmente mester bishitá Banco di Caribe su wèpsait www.bancodicaribe.com pa lesa tur e kondishonnan ku mester kumpli kun’é pa por partisipá. Lo anunsiá e ganadónan dia 7 di mei 2019 riba Banco di Caribe su página di Facebook.

 

‘Tesorito’ lo ta na Sambil

Djasabra awor dia 6 di aprel ‘Tesorito’’ lo ta presente na filial di Banco di Caribe na Sambil entre 11’or di mainta i 12’or di mèrdia pa entregá e plachi di klùr ku e muchanan tin mester pa partisipá na e kampaña. Ta invitá mayornan pa trese e muchanan; lo tin oportunidat pa konosé ‘Tesorito’ i saka potrèt kuné.  

_IXG4517

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: