16 di aprel próksimo FUNDASHON PRO SOUAX ta organisá: Charla grátis  “HUURCOMMISSIE”  

16 di aprel próksimo FUNDASHON PRO SOUAX ta organisá: Charla grátis  HUURCOMMISSIE”
                                                

Fundashon Pro Souax i Sentro di bario Souax gustosamente ta invitá habitantenan di bario di Souax, Gato, Zegu  i bisindario i tambe otro interesadonan, na e siguiente charla di e “Siklo di Charla riba Tópiko Hurídiko”. A petishon di habitantenan nos ta ripití e tópiko: “HUURCOMMISSIE”. 

E charla ta tuma lugá djamars 16 di aprel próksimo di 7or pa mitar di 9 anochi na Sentro di bario Souax i e oradó lo ta presidente di Huurcommissie mr Herbert Coffie.

Entre otro mr Coffie lo splika:
– Kiko ta huurcommissie ?
– Ken por aserká huurcommissie: E hürdó? Esun ku ta pone su kas, flèt òf negoshi na hür? Of tur dos?                         – Den kua kaso por aserká huurcommissie ?
– Akuerdo di hür: mantenshon di edifisio i te na ki preis bo por hür bo edifisio ?
– Kondishonnan pa hürmentu di kas òf flèt pa fakansi.

Despues di e charla di biaha pasá: Bo a keda ku pregunta? Bo ke tende ripitishon di sierto aspektonan? Bo ke sa mas tokante bo derechi i obligashonnan komo hürdó òf doño?
Ooradó mr Herbert Coffie lo splika kua ta e puntonan pa tene kuenta kuné komo hürdó òf doño di kas.

Moderadó lo ta mr. Juny Sluis, presidente di Fundashon Pro Souax.
Entrada ta grátis i lo tin amplio oportunidat pa hasi pregunta.

                       Kontinuashon “Siklo di Charla riba tópiko hurídiko”

Tópiko: “HUURCOMMISSIE”
Oradó: mr Herbert Coffie
Moderadó: mr. Juny Sluis
Dia: djamars 16 di aprel 2019
Ora: 7or pa mitar di 9 anochi na Sentro di bario Souax
Entrada: GRÁTIS i un i tur ta bon biní

souax

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: