Un relashon bankario di 41 aña, entre banko Maduro & Curiel’s Bank i kliente Robby dos Santos ta wòrdu terminá pa e banko.

Un relashon bankario di 41 aña, entre banko Maduro & Curiel’s Bank i kliente Robby dos Santos ta wòrdu terminá pa e banko. For di aprel 1978, sr. Dos Santos ta hasi uso di banko Maduro kaminda ku e ta depositá i hasi negoshi for di su kuentanan bankario. Alabes, mayoria di su empleadonan tin nan kuenta bankario na e mes un banko, banko Maduro. Pa fin di aprel 2019 sr. Dos Santos ta obligá na sera su kuentanan bankario i kuenta bankario di Administratiekantoor Dollar N.V. na banko Maduro. A konsekuensia di e desaroyo aki, sr. Dos Santos a pidi retiro pa 113 empleado den servisio fiho i 65 kòntraktant, tumando na kuenta ku e no tin otro alternativa bankario.
Motibu ku banko Maduro ta duna ta ku negoshi di loteria ta kai den kategoria di kuentanan di riesgo.
Mr. Braam, abogado di sr. Dos Santos, a duna di konosé ku su kliente no ta partisipá den labamentu di plaka; ademas e negoshi di loteria ta keda kontrolá pa Fundashon Wega di Number Kòrsou. Alabes banko Maduro tin ku kumpli ku eksigensianan di bankonan internashonal korespondiente. Segun mr. Braam, e bankonan korespondiente no tin nada di haber ku transakshonnan lokal. Pa e motibu aki, banko Maduro no tin pakiko di sera kuentanan bankario di sr. Dos Santos. Ni Maduro & Curiel’s Bank na Kòrsou ni Windward Island Bank na Sint Maarten.
Robertico-Robbie-Dos-Santos-15-300x217

This site uses Akismet to reduce spam. Learn how your comment data is processed.

%d bloggers like this: