Playoff softbol hubenil CSB/MCB ta start na Buenavista ballpark
Playoff softbol hubenil CSB/MCB ta start na Buenavista ballpark
Playoff di softbol hubenil patrosina pa MCB ta start awe djarason 24 april na buenavista ballpark. E playoffnan lo bai estilo di page, kaminda number 1 (Souax Gill’sport) lo topa number 2 (Pichingolo Nissan) i number 3(Starosa Angels Vanddis) lo topa number 4 (Souax 2). Ganador di 1 vs 2 lo pasa direct pa e gran final. Perdedo lo hanja un chens mas hungando kontra e ganador di 3 vs 4 pa e otro puesto di gran final. Bin mira 2 tremendo partido ku lo start ku e prome partido 19:00 i despues 21:00 e gran partido entre Pichingolo Nissan I Souax Gil’s sport. E serienan aki tur ta miho di tres. Entrada pa e partidonan aki lo ta gratis.
