Advertisements

HOPI INTERES PA KURSO DI HISTORIA DI MUZIK DI KORSOU ORGANISA PA CCC

Durante e periodo 4 di febrüari pa 6 di mei 2019 Sentro Kultural Kòrsou a organisá otro éksitoso Kurso di Historia di Muzik di Kòrsou. E kurso aki tabata na enkargo di e konosido músiko Henri (Harry) Moen i keda tené den e fasilidatnan di Sentro Kultural Kòrsou situá na Emmastad. Den e kurso aki ta trata desaroyo di muzik tradishonal di Kòrsou entre 1863 i 2000 tambe aspektonan sosial i ekonómiko ku tin relashon ku e desaroyo.  Ademas e kursantenan ta siña konosé ritmonan tradishonal i konhuntonan di ántes, tambe nan ta siña konosé kompositornan i otro desaroyo den muzik ku Kòrsou a konosé.

Mester bisa ku tabatin hopi interes pa e kurso, i meskos ku otro biahanan, e tabata un èksito total. Na opinion di e kursantenan e kurso aki a yena un bashí na informashon tokante nos muzik serka nan. E forma úniko di duna lès di Harry Moen i su splikashon al kaso, kla i konsiso a mantené un entusiasmo kontínuo serka tur e kursantenan.

Riba djaluna 6 di mei último, e kursantenan a risibí nan sertifikado for di man di señor Harry Moen i señor Frank Hanze, miembro di Direktiva di Fundashon Sentro Kultural Kòrsou. E personanan ku a kualifiká pa nan sertifikado ta: Geraldine Christina, Orlando Cuales, Idis Doran-Wallé, Mercée Doran, August R. Emanuel, Maxie de Groot, Igrid Haile-Hato, Li Fong Ng, Yocklang Ng, Mitchell de Palm, Charles P. do Rego, Gladys J. do Rego-Kuster i Marilyn Theobalds.

For di aña 2012 un total di 133 kursante, di kua 67 penshonado, a risibí nan sertifikado di partisipashon na e kurso.

Sentro Kultural Kòrsou ta felisitá tur e partisipantenan i nan dosente ku èksito di e kurso.

1

2

3

4

5

 

 

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: