Dikon atrobe un reunion di Parlamento di Kòrsou tokante e edifisio di SOAW den Punda?
Dikon atrobe un reunion di Parlamento di Kòrsou tokante e edifisio di SOAW den Punda?
Parlamentario Curtley Obispo den e reunion públiko di Parlamento di Kòrsou di dia 27 mei 2019 a mustra ku e reunion aki ta pa trese mas klaridat i mas informashon pa loke ta trata e edifisio di SOAW den Punda. Dikon e reunion aki? Dikon un reunion atrobe tokante e edifisio di SOAW den Punda?. Segun Parlamentario Curtley Obispo e reunion aki ta masha importante pa: (1) sa e pasado, e presente i e futuro di e edifisio di SOAW den Punda, (2) sa kua Minister di Pais Kòrsou a firma e promé kontrakt di dia 19 mart 2015 pa loke ta e edifisio di SOAW, (3) sa si e edifisio di SOAW den Punda riba 19 mart 2015 i despues tabata kumpli ku e normanan di entre otro Plan D2, Brandweer i Inspekshon Labor, (4) pa tende e notisia real (“e real news”) pa loke ta un kontrakt nobo di hür di e edifisio di SOAW den Punda.
Tambe e reunion ta importante pa risibí un update di Minister di SOAW, señor Henley Koeiman, tokante e último desaroyonan. Pues un status update for di e último reunion di Parlamento di Kòrsou di dia 4 febrüari 2019 te ku awe pa loke ta trata: (a) e status di e sirkunstansianan di trabou (“arbeidsomstandigheden”) di e personal ku ta traha na e edifisio di SOAW den Punda, (b) e status di ehekushon di e protokòl di 2 febrüari 2019 firma entre Minister SOAW, señor Hensley Koeiman i sindikato ABVO i (c) status di ehekushon di e plan struktural pa trese solushonnan struktural pa ku e edifisio di SOAW den Punda. Tur esaki den kuadro di e salú i seguridat di tur e empleado públiko i tambe e klientenan di SOAW.
