July 4, 2026
Latest:

KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

KIKO TA PASANDO
INTERNASHONALNOTISIA

FALCON: BUSKEDA DI NAUFRAGONAN A INISIA, PEÑERO KU 45 PERSONA KU A SALI FALCON SIN YEGA SU DESTINO

REDAKSHON
FALCON: BUSKEDA DI NAUFRAGONAN A INISIA, PEÑERO KU 45 PERSONA KU A SALI FALCON SIN YEGA SU DESTINO

Famianan a bati alarma na kapitan di haf na La Vela (Venezuela) pa motibu ku Lancha ku por lo menos 45 persona a sali djabierne di un forma kandestino for di e pais ku rumbo pa sea Aruba Bonaire of Korsou en buska di un miho bida.
Segun e informashon ku tin te ahinda ta ku mayoria di e personanan ku ta bai den boto ta residentenan di un bario ku yama Colina, informashon nan ekstra ofisial ku tin te ahinda ta ku e boto ku a sali ta unu tipo PEÑERO i ku a sali djasabra ultimo for di San Jose de la costa Falcon, ku destino pa Korsou. Esaki ta e infromashon ku nos ta dispone di dje te na e momentu aki.
A tuma kontakto ku warda kosta i nan no ta na altura di e situashon aki i no por duna nigun informashon di e kaso aki. No por bisa ku e dos kasonan aki tin relashon ku otro.
Pero a saka un komunikado djadumingo 9 juni 2019 ku ta bisa:

Wardakosta ta saka kurpa sin bida for di laman

Awe merdia e Sentro di Reskate i Kordinashon di Wardakosta a risibí un notifikashon di havenmeester di Fort Nassau. Un tripulante di e tankero, OM Bonitatis a mira un kurpa sin bida den laman den besindario di Bullenbaai. RCC mesora a notifiká e cutter Jaguar ku tabata den besindario pa bai na e lokalidat. Jaguar a saka e RIB ku un tim na bordo pa bai buska e kurpa sin bida den laman. E kurpa sin bida, di e sekso maskulino, tabatin un chaleko di salbabida bisti, a ser saka for di awa pa e tim di RIB. Despues a hiba e kurpa na e steiger di Wardakosta na Parera kaminda e la ser entregá na polis ku lo sigui ku e investigashon di e kaso akí.

Fin di komunikado.

Tin ku bisa si ku no por bisa ku e kurpa ku a ser haña ta pertenese na e tripulashon ku a sali for di Falcon ta investigashon so por bisa esaki.

 

639114718427035"
639114718427035"