U.D. TERA KÒRÁ I HUBENTUT FORTUNA LO TOPA OTRO KARA KARA DURANTE E GRAN FINAL DI LIGA MCB SEGUNDO DIVISHON!

U.D. TERA KÒRÁ I HUBENTUT FORTUNA LO TOPA OTRO KARA KARA DURANTE E GRAN FINAL DI LIGA MCB SEGUNDO DIVISHON!

 Despues ku liga MCB Segundo Divishon su buèlta di 4 a tèrminá ayera ‘nochi, e 2 ekiponan ku a klasifiká pa e gran final ta konosí. U.D. Tera Kòrá i Hubentut Fortuna lo enfrentá otro djaluna awor, promé di yüli pa 8’or di anochi den Stadion Ergilio Hato (SDK) durante e tremendo partido final aki.

E partido aki lo bai ta unu sumamente interesante mirando ku ta di 2 biaha ku e ekipo di U.D. Tera Kòrá ta partisipá na un partido final despues ku 13 aña pasá, nan a hunga nan promé final di Liga MCB Segundo Divishon. E ekipo di Hubentut Fortuna tambe lo bin tur ku tin pa nan promové i bolbe bèk den Liga MCB Promé Divishon despues ku nan a degradá.

Pues djaluna, promé di yüli ta un tabla lo bula den Stadion Ergilio Hato durante e gran final di Liga MCB Segundo Divishon!

Tabla di posishon Liga MCB Segundo Divishon Buèlta di 4:

 

		WH	WG	WE	WP	Pt	GF	GK	Saldo
1	U.D. TERA KORA	3	2	1	0	7	8	4	4
2	HUB. FORTUNA	3	1	1	1	4	3	3	0
3	ATOMIC	3	1	0	2	3	3	4	-1
4	C.H. MAHUMA	3	1	0	2	3	3	6	-3
		6	5	2	5	17	17	17	0

 

Gran Final Liga MCB Segundo Divishon:

 

Dia	Fecha	Orario	Tim di kas	Bishitante	Stadion
Djaluna	1 yüli 19	20.00	U.D. TERA KÒRÁ	HUB. FORTUNA	SDK

 

 Un yamada ta bai na hinter e pueblo di Kòrsou pa asistí na e Gran Final di Liga MCB Segundo Divishon. Bin presensiá si ta U.D.Tera Kòrá òf ta Hubentut Fortuna lo ta e ekipo kampion di Liga MCB Segundo Divishon ku lo promové pa Liga MCB Promé Divishon.

Entrada pa Liga MCB Segundo Divishon su final ta kosta fl.5,- pa adulto miéntras mucha di 6 te 12 aña ku 60+ ta kosta fl.3,-.

Bin pasa un ratu ameno den kompania di bo famia i disfrutá di bo deporte preferí, e deporte rei, futbòl!

 

MCB i FFK ta wardabo!