Petishon pa un reunion di komishon sentral konforme artíkulo 33 di Reglamentu di Orden (RvO) ku komo punto di agènda, Maneho general di Sentro Di Korekshon Kòrsou (SDKK)

Na: Presidente di Parlamento

Señor W. Millerson

Wilhelminaplein # 4

PRESENTE

 

Tópiko: Petishon pa un reunion di komishon sentral konforme artíkulo 33 di 

Reglamentu di Orden (RvO) ku komo punto di agènda, Maneho general di Sentro Di Korekshon Kòrsou (SDKK)

 

Kòrsou, 9 di yüni 2019

 

Señor Presidente,

 

Frakshon di MFK a tuma nota riba retnan sosial i den prensa ku Minister di Hustisia a instalá un tim di krísis na SDKK, pa bai yuda den e aspektonan di seguridat den e instituto aki.

 

Ta reina pa basta tempu malkontentu serka empleadonan di SDKK i prezunan. Tin hopi reklamo riba e forma ku ta trata ku tantu empleadonan i prezunan i ta trapa riba nan derechinan den e instituto. Ya ta hopi tempu ku e grupo di servisio di ABVO ta trese kosnan ku no ta kana bon den e instituto dilanti, pero nos no ta mira akshonnan konkreto pa trese solushon.

 

E reunion aki di komishon sentral, frakshon di MFK ta pidi esaki pa haña di forma ofisial informashon di esnan envolví, pa despues den un reunion públiko Parlamento por debatí ku Minister di Hustisia riba e situashon den SDKK.

 

Pa e reunion aki nos kier pidi pa invitá, sindikatonan ABVO i pa medio di Minister di Hustisia gerensia di SDKK pa e gerensia por ta presente pa por informá Parlamento riba e situashon den SDKK.

 

Na nòmber di frakshon di MFK,

 

_____________ _____________ _____________

Charles Cooper Jacinta Constancia Juniël Carolina