Forsa pa sigui na henter e personal di Inspekshon di Belasting i Ontvanger di Kòrsou.

Forsa pa sigui na henter e personal di Inspekshon di Belasting i Ontvanger di Kòrsou.

Parlamentario Curtley Obispo den e reunion di komishon sentral di Parlamento di Kòrsou di dia 23 ougùstùs 2019 a deseá forsa pa sigui na henter e personal di Inspekshon di Belasting i Ontvanger di Kòrsou. No laga e kandela di djaweps 22 di ougùstùs 2019 mardugá, deskurashá boso den boso trabou balioso di inspekshon i kobransa di belasting na bienestar i progreso di nos Pais Kòrsou. 

Parlamentario Curtley Obispo a indiká ku e ta konta riba tur esfuersonan di  Gobièrnu di Kòrsou i en espesial Minister di Finansa señor Kenneth Gijsbertha pa trese solushonnan konkreto pa Inspekshon di Belasting i Ontvanger di Kòrsou. I  ku Gobièrnu di Kòrsou i Minister di Finansa señor Kenneth Gijsbertha lo tuma tur e akshonnan nesesario, pa asina por kontinuá mas pronto posibel ku tur e servisionan di Inspekshon di Belasting i Ontvanger di Kòrsou. Kontinuá mas pronto posibel ku tur e servisionan aki saliendo for di e punto di bista ku seguridat, salú i un edifisio adekuá ta na promé lugá na bienestar di e henter e personal di Inspekshon di belasting i Ontvanger di Kòrsou. Kual punto di bista tambe ta konta pa tur e kontribuyentenan di belasting ku mester haña e servisio di Inspekshon di belasting i Ontvanger di Kòrsou.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: