NOS SELEKSHON DI DAMA A LOGRA UN EMPATÉ DURANTE NOS ÚLTIMO ENKUENTRO DI E CONCACAF WOMEN’S U-17 QUALIFIER!

NOS SELEKSHON DI DAMA A LOGRA UN EMPATÉ DURANTE NOS ÚLTIMO ENKUENTRO DI E CONCACAF WOMEN’S U-17 QUALIFIER!

Nos selekshon nashonal di dama kategoria U-17 a logra un empate na 2 gol kontra St.Vincent, ayera durante nos último partido CONCACAF Women’s U-17 Qualifier ku a tuma lugá dianan 21, 23 i 25 di ougùstùs aki na Kòrsou.

Na tur ta tin 16 pais ku a kompetí den e torneo aki i nan a keda repartí den 4 grupo di 4 ku a kompetí ku otro na diferente pais. Nos a kai den pul D huntu ku St. Vincent, Bahamas i Guyana.

 

Resultadonan CONCACAF Women’s U-17 Qualifier:

 

Fecha	Resultado	Tim di kas	Bishitante	Stadion
21 oug.19	4-1	Bahamas	St. Vincent	Stadion Ergilio Hato
	1-2	Kòrsou	Guyana	Stadion Ergilio Hato
23 oug.19	2-6	St. Vincent	Guyana	Stadion Ergilio Hato
	0-3	Kòrsou	Bahamas	Stadion Ergilio Hato
25 oug.19	3-1	Guyana	Bahamas	Stadion Ergilio Hato
	2-2	Kòrsou	St. Vincent	Stadion Ergilio Hato

 

 

Durante nos promé enkuentro nos a kai vensí kontra Guyana ku e skor di 2-1. E gol di nos a keda anotá pa Raëngelly Keller. Lamentabelmente nos a bolbe kai vensí kontra Bahmas i a pèrdè ku skor di 3-0 durante nos segundo partido. Pero nos a sa di empatá nos último enkuentro di e torneo aki ku skor di 2-2 kontra St. Vincent. Riesmarly Tokaay ku Frensheny Michel tabata esnan ku a anotá e golnan aki. Ku e resultadonan aki nos a keda na terser puesto di e CONCACAF Women’s U-17 Qualifier. Míentras Guyana a resultá e ekipo ganadó i a klasifiká pa e CONCACAF Women’s U-17 Championship ku lo tuma lugá otro aña.

Nos selekshon nashonal di dama kategoria U-17 ta konsistí di un grupo di 20 hungadó ku a wòrdu dirigí pa Sra. Marisol Bomberg ku ta e entrenadó di e selekshon aki i Sr. Reynold Mercera ku ta e asistente di e entrenadó. Sra. Denice Berggraaf tabata e masahista di e selekshon,               Sra. Curilma Carolina, esun enkargá ku e materialnan i e hefe di delegashon ta Sr. Stanley Coffy, miembro di direktiva di FFK.

Nos selekshon a konsistí di e siguiente hungadónan:

 

1. Nashaily Obispo (Hubentut Fortuna)
2. Adamaris Poulo (Jong Holland)
3. Sephanya Pedro (Vesta)
4. Frensheny Michel (Inter Willemstad)
5. Giosha Alberto (Jong Holland)
6. Sulirviendra Balentien (Hubentut Fortuna)
7. Shadae Bergwijn (Inter Willemstad)
8. Charnainelys Andrea (Vesta)
9. Raëngelly Keller (Excellence School)
10. Riesmarly Tokaay (Hubentut Fortuna)
11. Siara Victorina
12. Lakisha Monte (Vesta)
13. Luna Vriesema (Subt)
14. Crishantely Granviel (Jong Holland)
15. Jaidah Juliana (Jong Holland)
16. Danae Magdalena (Inter Willemstad)
17. Ly-anne Peny (Hubentut Fortuna)
18. Rainisha De Caster (Jong Holland)
19. Roshantely Coffie (Jong Holland)
20. Shekinah Poulo (Victory Boys)

Un danki ta bai na hinter pueblo di Kòrsou pa e apoyo i sosten ku nan a brinda na nos damanan tur e dianan di e CONCACAF Women’s U-17 Qualifier!