Minister Giselle Mc William huntu ku su Ministerio tin debido atenshon pa e situashon aktual i lo intensivá  kontròlnan den estrecho koperashon ku fundashon pa konsumidó.

Minister Giselle Mc William huntu ku su Ministerio tin debido atenshon pa e situashon aktual i lo intensivá  kontròlnan den estrecho koperashon ku fundashon pa konsumidó.

 

Pa medio di esaki Minister enkargá ku Desaroyo Ekonómiko Giselle Mc. William, kier partisipá lo siguiente.

 

Inspekshon Ekonómiko, sekshon “Economische Controle” ta realisa Inspekshon y Kontrol dirigi riba tur instansianan ku ta bende komestibel, p.e. Supermarket,  Minimarket y otro tipo di Tienda.

Ta importante pa menshoná ku riba un base regular ta kontrolá produktonan regulá pertenesiendo  den e Makutu Básiko.

Fuera di 22 tipo di produktonan di kual e preisnan ta regulá, tur otro produkto ta liber.

Esaki ta enserá ku e komersiante no ta limitá pa pone márgen di ganashi riba e produkto.

Kontrol Ekonómiko, mensualmente,  for di yanüari 2019 a bini ta hasi komparashon di preis di produktonan no regulá.

 

A base di e medidanan di oumento di OB ku a drenta na vigor dia 1 sèptèmber último,  Minister a duna instrukshon pa regularmente hasi komparashon di preis riba fruta/berdura lokal y importá y tambe riba bibidanan alkohóliko.

Meta di e ehersisio aki ta pa informá komunidat e diferensiá di preis den e diferente establesimentunan y susesivamente anunsiá kua ta e establesimentunan mas ekonómiko.

 

Minister pa medio di esaki ke logra eksponé tur establesimentu/komersiante ku tin márgen di ganashi eksorbitante riba produktonan no regulá. 

Konvensí di e echo ku ta konhuntamente nos por logra, Minister ta konfia riba koperashon di komunidat kompletu pa yudá identifiká tur tipo di negoshi ku ta bende produktonan no regulá na preisnan ekstensivamente haltu. 

 

Minister ta hasi un apelashon na tur komersiante, konsiderando nos situashon ekonómiko aktual, pa laga sano huisio prevalesé.