MFK a partisipá den akshon di limpiesa di Curaçao Clean Up

MFK a partisipá den akshon di limpiesa di Curaçao Clean Up

 

Willemstad – Den kuadro di Curaçao Clean Up i tambe riba petishon di abitantenan di Domi Ariba i Domi Abou i bisindario i Parlamentario pa partido MFK señor Juniël Carolina i algun kolaborador, a limpia den e area di e Fort Waakzaamheid na seru Domi. E Fòrti a wòrdu konstruí na aña 1804 i tabata pa defensa i supervishon di entradanan via laman i tera. Despues ku e restorant no tabata eksistí mas, e Fòrti ya pa basta aña a bira un Mirador kaminda Turista i siudadanonan diariamente ta bishita e Fòrti i nan por disfrutá di un bunita bista riba Kòrsou i tambe e kosta sur. 

 

Ya pa algun aña segun e abitantenan, e area ta ser usa pa dumpmentu di shushi dor di deskonosínan. Un kantidat di basta di kilo di shushinan visual, manera bòter, kùp, bleki i plèstik di tur otro sorto di artefakto a keda yena den saku di shushi i tur a wòrdu transportá i depositá na Landfill Malpais.

 

Parlamentario pa MFK señor Juniël Carolina ta hasi un petishon na abitantenan den e area di Fort Waakzaamheid, pa yuda kontrolá i tene e area limpi. Lo pèrkurá pa laga instalá algun bari di shushi i pa bishitantenan por hasi uso di esaki, pa no tira shushi abou.

 

Kòrsou, 22 di sèptèmber 2019

 

Na nòmber di frakshon di MFK

Juniël Carolina

Miembro di Parlamento