Pichingolo Kia/Nissan na 1 viktoria pa titula kampion di softbol fastpich femenino Liga CSB/MCB 2019 

Pichingolo Kia/Nissan na 1 viktoria pa titula kampion di softbol fastpich femenino Liga CSB/MCB 2019 

 

Djasabra anochi e ekipo di Pichingolo Kia/Nissan a logra e di dos viktoria den e serie final miho di 5 ku skor di 11 pa 4. Pichingolo su ofensiva a sigi kajente pasobra nan a konekta 13 hit den e partido aki pa bai ku e viktoria. Pa Pichingolo 11 kareda 13 hit I 0 eror. Picher ganador a resulta Shana te Vrede ku a drenta di relevo pa Arnalda Margaritha. Miho na bate pa Pichingolo a reslta Emily Jonis ku a bai di 4-3 ku 1 homerun. Pa The Fightingteam 4 kareda 8 hit I 2 eror. Picher perdedo a resulta Ruthsainy Calmera i miho na bate Ruthsainy Calmera, Sharon-rose Delanooi i Suvianca Calmera di 3-2. Sharon-rose Delanooi a konekta 1 homerun den kousa perdi. Ku e viktoria aki The Fightingteam ta lomba kontra muraja i Pichingolo ta na 1 viktoria pa titula kampion. E partido aki kwal ta wega no 3, lo tuma luga djabierne awor 27 september na sabana ballpark pa 21:30.

 

Promoshon/degradashon

Awe djaluna 23 september ta start e serie miho di 5 pa promoshon I degradashon entre Nos tei Curacao Office Supply ku a termina ultimo den doble A vs Vipers Elite ku ta actual kampion di klasse A. E partido aki lo ta na Sabana ballpark pa 20:00.

 

Federashon di softbol ta invita tur fanatiko bin mira e tremendo partido aki. Entrada ta 5 florin pa hende grandi I 3 florin pa mucha te ku 12 anja i 60 +. 

Lo rifa premionan di porta entre esnan ku paga pa drenta.