Parlamentario Curtley Obispo: E di 4 resúmen Kuenta i Rason Aña Parlamentario 2018/2019: kapítulo 4 di 4.
E di 4 resúmen Kuenta i Rason Aña Parlamentario 2018/2019: kapítulo 4 di 4.
Parlamentario Curtley Obispo ta sigui duna kuenta i rason na Pueblo di Kòrsou. Esaki ta e di 8 relato for di dia 4 yanüari 2017 ku e ta miembro di Parlamento di Kòrsou. E biaha aki, e di 4 resúmen Kuenta i Rason over di aña parlamentario 2018/2019 (periodo di 11 sèptèmber 2018 te ku 9 sèptèmber 2019).
- Kartanan pendiente kontesta di Ministernan di Gobièrnu di Kòrsou
Durante e aña parlamentario 2018/2019, parlamentario Curtley Obispo a risibí kontesta di Ministernan di Gobièrnu di Kòrsou riba 13 karta (aña parlamentario 2017/2018: 1 i aña parlamentario 2018/2019: 12).
Pa loke ta final di e aña parlamentario 2018/2019 (fecha 9 sèptèmber 2019), ta pendiente di risibí kontesta di Ministernan di Gobièrnu di Kòrsou, un total di 21 karta usando e kriterio di e protokòl firma entre Parlamento di Kòrsou i Gobièrnu di Kòrsou di dia 20 ougùstùs 2013.
Ta trata di e siguiente 5 karta di e aña parlamentario 2017/2018 ku tópiko: (1)Plan Nashonal Dementia, (2) Plan di akshon Fundashon Kuido Ambulans 2017, (3) Plan Nashonal pa kombatí violensha doméstiko/relashonal i violensia kontra mucha i hóbennan, (4) Status di ehekushon rekomendashonnan di e rapòrt 2013 di Unicef tokante situashon di muchanan i hóbennan na Kòrsou pa loke ta trata salubridat, (5) Petishon pa risibí dokumentonan di korespondensia entre Stichting SONA I Gobièrnu di Kòrsou en konekshon ku e proyekto Hospital Nobo Otrabanda (HNO),
Un total di 16 karta di 21 karta ta pendiente kontesta di e aña parlamentario 2018/2019. Ta trata di: (a) 5 karta den kuadro di ehekushon di Presupuesto 2019 di Pais Kòrsou, (b) 5 karta den kuadro di dunamentu di kuenta i rason dor di fundashonnan i kompanianan anónimo di Pais Kòrsou i (c) 5 karta den kuadro di otro tópikonan importante di gobernashon di Pais Kòrsou.
Segun tópiko ta pendiente di risibí kontesta e siguiente 15 karta di aña parlamentario 2018/2019: (1) Status di ehekushon di moshon di Parlamento di Kòrsou di dia 24 di aprel 2018 relashoná ku e proyekto Hospital Nobo na Otrobanda? (2) Ehekushon di presupuesto 2019 Pais Kòrsou – kobransa erfpacht, (3) “Bureau lntegriteit”, status di plan di akshon 2019, (4) Ehekushon di Presupuesto 2019 Pais Kòrsou – reglanan i leinan di kontabilidat pa gastunan presupuestá, (5) Konseho Elektoral un órgano independiente, status di plan di akshon 2019, (6) Ehekushon di presupuesto 2019 Pais Kòrsou – kobransa di impuesto di alohamentu (logeergastenbelasting), (7)Ehekushon di presupuesto 2019 Pais Kòrsou – kobransa di impuesto di traspaso “overdrachtsbelasting”), (8) Trayekto di fiha kuenta anual 2018 di Pais Kòrsou, (9) Status di kuenta anual 2017 di Analytisch Diagnostisch Centrum N.V. (ADC), (10) Status di kuentanan anual pendiente te ku aña 2017 di instansianan ku ta derivá for di lei, (11) Status di kuentanan anual pendiente te ku aña 2017 di fundashonnan di Pais Kòrsou ku ta kai bou di portafolio di Minister di Salubridat, Medio Ambiente i Naturalesa, (12) Status di kuentanan anual pendiente te ku aña 2017 di fundashonnan di Pais Kòrsou ku ta kai bou di portafolio di Minister di Asuntunan Sosial, Labor i Bienestar , (13) Status di kuentanan anual pendiente te ku aña 2017 di fundashonnan di Pais Kòrsou ku ta kai bou di portafolio di Minister di Tráfiko, Transporte i Planifikashon Urbano, (14) UO Domeinbeheer su tarea, ròl i responsabilidat pa ku atministrashon di tereno i otro derechonan domanial pa asina por kumpli ku artíkulo 92 di Areglo di Estado di Kòrsou i artíkulo 11 di e Lei “Domaniale Gronden”, (15) Status di Plataforma di Legislashon i evaluashon di AWOK, (16) Ehekushon di presupuesto 2019 Pais Kòrsou – kobransa di impuesto di sushi (“afvalstoffenbelasting”).
