Parlamentario Plet: Preokupashon grandi ketu bai bou di nos komunidat pa ku ladronisia di vehíkulo.
Parlamentario Plet: Preokupashon grandi ketu bai bou di nos komunidat pa ku ladronisia di vehíkulo.
Den un reunion públiko fecha 19 di òktober 2019 pidi pa frakshon ku e tópiko: deliberashon ku Minister di Hustisia, Minister di Finansa i Minister di Tráfiko, Transporte i Planifikashon Urbano enkuanto maneho di gobièrnu pa ku kombatimentu di ladronisia di vehíkulo nos a elaborá ampliamente riba e situashon rondó di ladronisia di vehíkulo. Esaki despues ku nos a mira kuantu persona dia pa dia ta bira víktima di ladronisia di vehíkulo i ki impakto e tin riba e persona aki i tambe e tenshon ku e trese serka demas personanan den nos komunidat.
Na final di e reunion frakshon di MAN a presentá un moshon ku a karga sosten di henter parlamento den kual nos ta urgi Gobièrnu pa entre otro traha riba un maneho: di koperashon entre servisionan di Gobièrnu i sektor priva, riba vehíkulonan ku ta keda deklará total loss i un registro di vehíkulonan ku ta keda importá.
Awe nos ta den aña 2019 i ketu bai e ladronisia di vehíkulo ta haltu i sigur den e último simannan a lanta aun mas tantu ainda.
Basa riba esaki sr Plet a hasi e siguiente preguntanan Minister di Hustisia:
- Minister ta konsiente di e impakto ku ladronisia di vehíkulo tin riba nos komunidat?
- Kon leu ta ku e maneho pa purba na frena e asuntu di ladronisia aki?
- Kuerpo a pone esaki komo un di e prioridatnan pa atendé?
- Kon leu ta ku e maneho pa ku koperashon entre Gobièrnu i sektor priva?
- Kuantu vehíkulo a ser hòrta den e aña 2017, 2018, 2019 i kuantu a ser haña?
Prevenshon
Mi ta konsiente ku e situashon aki ta unu ku no ta Gobièrnu so mester karg’e sino demas personanan i tambe negoshi (prinsipalmente esnan ku ta drei anochi). Kuerpo polisial tin un departamento di prevenshon ku tin komo tarea pa entre otro duna informashon i tep na nos komunidat pa evitá ku nos por bira víktima.
- E departamento aki tin den nan plan tambe pa duna informashon i tep pa pa e siudadano kon pa prevení ku e por víktima di ladronisia di vehíkulo?
- Ki dia e komunidat lo por tuma nota di esaki?