Pronóstiko di tempu pa Kòrsou i bisindario bálido te djabièrnè mainta 6:00 o.l, 27 di sèptèmber 2019.

Pronóstiko di tempu pa Kòrsou i bisindario bálido te djabièrnè mainta 6:00 o.l, 27 di sèptèmber 2019.

Kompilá:
djaweps 26 di sèptèmber 2019, 05:00 o.l. (09:00 UTC).

Tempu:
Awe den dia wer lo ta generalmente tiki nublá i no ta premirá áwaseru signifikante. Ademas, bientu lo bira gradualmente mas fuerte.

Temperatura máksimo lo alkansá 33 ºC, i temperatura mínimo di 26ºC.
Solo ta sali 06:25 i ta baha 18:29 o.l.

Bientu:
Na inisio di dia suak for di direkshon sùitost i lo bira gradualmente ost ku forsa moderá; forsa 3 pa 4 (12 pa 30 km/ora, 7 pa 16 nudo). De bes enkuando basta fuerte den ráfaga; forsa 5 (31 pa 39 km/ora, 17 pa 21 nudo).

Situashon general:
Durante di próksimo 24 ora, no ta antisipá formashon di nubianan signifikante riba nos region. Mas aleu, e fluho di bientu ta bira gradualmente mas fuerte durante di próksimo dianan i asina aliviá e kalor un poko. Servisio Meteorológiko a registrá e siguiente kantidatnan di áwaseru riba e diferente partinan di Kòrsou durante e último 24 ora: Hato 3.1 mm, Onverwacht 0.2 mm, Seinpost 6.0 mm, Ser”í Kokori 2.0 mm, Spaansewater 10.6 mm, Savonet 36 mm i Soto 55 mm.

Kondishon di laman:
Por lo general trankil ku altura di olanan entre 0.5 i 1.5 meter (2 pa 4 pia).

Sistemanan signifikante di wer tropikal:
Sistemanan signifikante di wer tropikal: Tormenta Tropikal Karen ta situá awe riba Osean Atlántiko i ta move den un direkshon nort nortost. Orkan Lorenzo, awor aki orkan kategoria 2, lo sigui move den direkshon nortwèst riba sekshon ost di Atlántiko Tropikal i lo intensivá awe aún mas. Ningun di e sistemanan tropikal aki ta forma un menasá direkto pa Kòrsou.

Fenómeno spesial:
Ningun.

Perspektiva te djasabra mainta:
Parsialmente nublá ku bientu un poko mas fuerte.

Meteorólogo:
Correa