Elsa Rozendal di MAN: A bin medida pero awor Gobièrnu mester implementá e agènda sosial tambe

Elsa Rozendal di MAN: A bin medida pero awor Gobièrnu mester implementá e agènda sosial tambe

 

Resientemente Parlamento a aprobá i asina duna “greenlight” na e pakete di medidanan ku Gobièrnu a laga drenta na vigor entrante 1 di sèptèmber último. Durante e reunion di Parlamento en kuestion, Rozendal a ekspresá enfátikamente ku mester ehekutá e Agènda Sosial tambe rápidamente. Gobièrnu a primintí di bini ku un ‘flankerend beleid’ pa trese un balanse i trese alivio pa komunidat, en espesial pa esnan den mas nesesidat. Na opinion di Rozendal e maneho di flankeo mester kana pareu ku e medidanan. E situashon aktualmente na Kòrsou ta prekario i hopi kas di famia tin e difísil. Tin un desempleo haltu i problemanan sosial ta grandi. P’esei mas ku nunka ta importante pa Gobièrnu ehekutá e Agènda Sosial aki. 

 

Segun Rozendal, Gobièrnu nò por konsentrá solamente riba e parti finansiero sin pone e hende sentral. Den ningun pais na mundu bo por logra progreso di un pueblo i un pais sin pone atenshon na e aspektonan di e hende su bienestar, su dignidat i nesesidatnan. Pa logra ehekutá e agènda sosial, e ta rekerí un koperashon estrecho entre tur e ministerionan. P’asina pone prioridat kaminda mester pa logra un adelanto pa tur siudadano di Kòrsou.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: