Elekshon Reina, Prens i Pancho Paraiso Hubenil 2020
Elekshon Reina, Prens i Pancho Paraiso Hubenil 2020
Komo un grupo dinámiko ku a bin ta duna su aporte na Karnaval Hubenil, nos ta bai organisá Elekshon Reina, Prens i Pancho Hubenil pa e Grupo Paraiso Hubenil 2020.
Karnaval Hubenil 2019 nos a sa di bai ku e premio máksimo pa loke ta Prens i Pancho Hubenil pa Karnaval di Kòrsou, esaki a motivá nos pa organisá nos elekshon i asina tin nos partisipante nan kla pa Elekshon Hubenil 2020.
Nos lo tin pa partisipante Prens i Pancho, Earlyson Cafsia, Orlando Zimmerman, pa Reina Hubenil nos tin 4 partisipante ku ta Achlien sanchez Gomez, Arienne Dortalina, Tyshandrilleys Ignacio, Ariana Winterdaal.
Elekshon lo tuma lugá djasabra 12 òktober próksimo, di 6’or pa 9’or anochi na Sentro di Bario Otrobanda. Bar i kushina lo ta bon surti.
Riba nos página di Facebook, Paraiso Hubenil tin posibilidat pa vota pa bo faborito pa por gana e premio di Partisipante Internet. Durante di e anochi aki tambe nos grupo lo hasi Show di Trahe pa Marcha Hubenil 2020.
Bin apoyá i sostené boso partisipante faborito.