Parlamentario Curtley Obispo: karta dirigi na Minister di Desaroyo Ekonómiko, Minister señora Giselle Mc William, ku tópiko: status di kuentanan anual pendiente te ku aña 2017 di kompanianan anónimo di Pais Kòrsou ku ta kai bou di portafolio di Minister di Desaroyo Ekonómiko.

Minister di Desaroyo Ekonómiko  

Señora Giselle Mc William

Pletterijweg #43

Presente

 

Djarason, 16 òktober 2019

 

Tópiko: status di kuentanan anual pendiente te ku aña 2017 di kompanianan anónimo di Pais Kòrsou ku ta kai bou di portafolio di Minister di Desaroyo Ekonómiko.

 

Apresiabel Minister señora Giselle Mc William,

 

Duna kuenta i rason na tempu ta konta tambe pa kompanianan anónimo ku ta entidatnan di Pais Kòrsou. Kompanianan anónimo ku ta entidatnan di Pais Kòrsou, ku segun nan statutonan i e lei di Corporate Governance, mester kumpli i entrega tur aña na tempu nan kuenta anual auditá (“gecontroleerde jaarrekening”) i tambe raporta riba funshonamentu di “Corporate Governance”.

 

Den e Rapòrt di Maneho Finansiero di Pais Kòrsou di Yüni 2019 (FMR Yüni 2019), anekso (“bijlage”) 5 , mi a tuma nota ku te ainda tin diferente kompanianan anónimo ku ta entidatnan di Pais Kòrsou i ku ta kai bou di portafolio di Minister di Desaroyo Ekonómiko , ku te ainda tin kuentanan anual pendiente pa entrega te ku aña 2017 na Gobièrnu di Kòrsou.

 

 A base di: (1) Rapòrt di Maneho Finansiero di Pais Kòrsou di Yüni 2019 (FMR Yüni 2019), anekso (“bijlage”) 5 , (2) kumplimentu ku e lei di Corporate Governance i tambe (3) e karta di kontesta di 21 yüni 2019 di Minister di Desaroyo Ekonómiko Sr. Gijsbertha, mi ta aserka Minister di Desaroyo Ekonómiko ku e siguiente preguntanan komo follow up pa mi risibí un status update di e kuentanan anual pendiente di Buskabaai N.V i Curaçao Dokmaatschappij Holding N.V.. Preguntanan , hasiendo uso di mi derecho komo parlamentario pa hasi pregunta konforme artíkulo 57 di Areglo di Estado di Kòrsou (nos lei máksimo) i tambe artíkulo 96 di Reglamentu di  Orden di Parlamento di Kòrsou:

 

Buskabaai N.V.: 

  1. Kua ta e motibunan konkreto ku Buskabaai N. V. segun e FMR Yüni  2019 bijlage 5, te ainda no a

 entrega su kuentanan anual auditá di añanan 2016 i 2017 na Gobièrnu di Kòrsou ?

  1. Ki dia Parlamento di Kòrsou lo risibí di Gobièrnu di Kòrsou e kuentanan anual audita di añanan 2016 i 2017 di Buskabaai N.V.?

 

Curaçao Dokmaatschappij Holding N.V.: 

  1. Kua  ta e motibunan konkreto ku Curaçao Dokmaatschappij Holding N.V segun e FMR di Yüni 2019 bijlage 5, te ainda no a entrega su kuentanan anual audita di arianan 2014, 2015, 2016 i 2017 na Gobièrnu di Kòrsou?
  2. Ki dia Parlamento di Kòrsou lo risibí di Kobeitu di Kòrsou e kuentanan anual audita di añanan 2014, 2015, 2016 i 2017 di Curaçao Dokmaatschappij Holding N.V?

 

Tambe mi tabata tin e siguiente petishon:

  • Petishon pa risibí e kuenta anual 2017 di Curaçao Development Institute (CDI) N.V.. 

 

Atentamente,

 

Curtley Obispo

Parlamentario pa Kòrsou

PAR

 

Anekso: karta di kontesta di dia 21 yüni 2019 di Minister di Desaroyo Ekonómiko, señor Kenneth Gijsbertha . 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: