Parlamentario Curtley Obispo: status di kuentanan anual pendiente te ku aña 2017 di kompanianan anónimo di Pais Kòrsou ku ta kai bou di portafolio di Minister di Tráfiko, Transporte i Planifikashon Urbano .
Minister di Tráfiko, Transporte i Planifikashon Urbano
Señora Zita Jesus Leito MBA
Seru di Arrarat, parsela C
Presente
Djabièrnè, 18 òktober 2019
Tópiko: status di kuentanan anual pendiente te ku aña 2017 di kompanianan anónimo di Pais Kòrsou ku ta kai bou di portafolio di Minister di Tráfiko, Transporte i Planifikashon Urbano .
Apresiabel Minister señora Zita Jesus Leito,
Duna kuenta i rason na tempu ta konta tambe pa kompanianan anónimo ku ta entidatnan di Pais Kòrsou. Kompanianan anónimo ku ta entidatnan di Pais Kòrsou, ku segun nan statutonan i e lei di Corporate Governance, mester kumpli i entrega tur aña na tempu nan kuenta anual auditá (“gecontroleerde jaarrekening”) i tambe raporta riba funshonamentu di “Corporate Governance”. Den e Rapòrt di Maneho Finansiero di Pais Kòrsou di Yüni 2019 (FMR Yüni 2019), anekso (“bijlage”) 4 i 5 , mi a tuma nota ku te ainda tin diferente kompanianan anónimo ku ta entidatnan di Pais Kòrsou i ku ta kai bou di portafolio di Minister di Tráfiko, Transporte i Planifikashon Urbano, ku te ainda tin kuentanan anual pendiente pa entrega te ku aña 2017 na Gobièrnu di Kòrsou.
A base di: (1) Rapòrt di Maneho Finansiero di Pais Kòrsou di Yüni 2019 (FMR Yüni 2019), anekso (“bijlage”) 4 i 5 i (2) kumplimentu ku e lei di Corporate Governance i tambe, mi ta aserka Minister di Tráfiko, Transporte i Planifikashon Urbano ku e siguiente preguntanan. Preguntanan , hasiendo uso di mi derecho komo parlamentario pa hasi pregunta konforme artíkulo 57 di Areglo di Estado di Kòrsou (nos lei máksimo) i tambe artíkulo 96 di Reglamentu di Orden di Parlamento di Kòrsou:
Cpost International N.V.:
- Kua ta e motibunan konkreto ku Cpost International N.V. segun e FMR Yüni 2019 bijlage 4 i 5, te ainda no a entrega su kuenta anual auditá di aña 2017 na Gobièrnu di Kòrsou?
- Ki dia Parlamento di Kòrsou lo risibí di Gobièrnu di Kòrsou e kuenta anual audita di aña di aña 2017 di Cpost International N.V.?
NV Stadsherstel Willemstad:
- Kua ta e motibunan konkreto ku NV Stadsherstel Willemstad segun e FMR Yüni 2019 bijlage 4 i 5, te ainda no a entrega su kuentanan anual auditá di aña 2017 na Gobièrnu di Kòrsou?
- Ki dia Parlamento di Kòrsou lo risibí di Gobièrnu di Kòrsou e kuenta anual audita di aña 2017 di NV Stadsherstel Willemstad?
Atentamente,
Curtley Obispo
Parlamentario pa Kòrsou
PAR
