KÓDIGO HEL: UN MENSAHE DI PREKOUSHON PA LAMAN BRUTU TA NA VIGOR TE PRÓKSIMO AVISO Pronóstiko di tempu pa Kòrsou i bisindario bálido te djamars mainta 06:00 o.l, 29 di òktober 2019.

Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l, 29 di òktober 2019.
Kompilá: djaluna 28 di òktober 2019, 05:00 o.l. (09:00 UTC).

KÓDIGO HEL: UN MENSAHE DI PREKOUSHON PA LAMAN BRUTU TA NA VIGOR TE PRÓKSIMO AVISO

Tempu: Parsialmente nublá i no ta antisipá áwaseru signifikante.

Temperatura máksimo lo alkansá 33 ºC, i temperatura mínimo di 27 ºC.
Solo ta sali 06:27 i ta baha 18:12 o.l.

Bientu: For di direkshon generalmente ost i moderá te basta fuerte; forsa 3 pa 5 (12 pa 39 km/ora, 7 pa 21 nudo). Ráfaga de bes en kuando fuerte; forsa 6 (40 pa 50 km/ora, 22 pa 27 nudo).

Situashon general: No ta antisipá desaroyo di nubianan signifikante riba nos region durante di próksimo 24 ora. Sin embargo, un oumento di temporal di humedat durante oranan di mainta, por resultá den formashon di algun nubia den nos área. Algun di e nubianan aki por generá de bes en kuando algu di áwaseru riba nos isla. Mas aleu, pa motibu di resake kondishon di laman lo ta brutu prinsipalmente na kostanan nort i ost di Kòrsou. Pa e motibu aki un kódigo hel pa laman brutu ta sigui na vigor.

Kondishon di laman: Moderá ku altura di ola entre 1 pa 2.5 meter (3 te 8 pia). Laman lo bira gradualmente brutu prinsipalmente na kosta nort i ost.

Sistemanan signifikante di wer tropikal: Pablo a debilitá ayera anochi i awor ta un tormenta tropikal un biaha mas. E sistema aki ta situá riba Atlántiko nort i ta move den un direkshon nort.  Pablo no ta forma un menasa pa Kòrsou.

Fenómeno spesial: Ningun.

Perspektiva te djárason mainta: Por lo general parsialmente nublá i generalmente seku.

Meteorólogo: Rombley