Pronóstiko di tempu pa Kòrsou i bisindario bálido te djárason mainta 6:00 o.l, 20 di novèmber 2019.

Pronóstiko

Pronóstiko di tempu pa Kòrsou i bisindario bálido te djárason mainta 6:00 o.l, 20 di novèmber 2019.
Kompilá: 
djamars 19 di novèmber 2019, 05:00 o.l. (09:00 UTC).

Tempu: Shelu lo varia entre tiki te parsialmente nublá awe i wer lo ta seku. Djárason sin embargo shelu lo bira de bes en kuando hopi nublá ku posibilidat algun áwaseru.

Temperatura máksimo lo alkansá 32°C i temperatura mínimo di 25°C.
Solo ta sali 06:35 i ta baha 18:07 o.l.

Bientu: Prinsipalmente for di direkshon sùitost i moderá; forsa 3 te 4 (12 te 30 km/ora, 7 te 16 nudo). Ménos den anochi.

Situashon general:
 Un área ku preshon abou riba Osean Atlántiko djis nortost di e islanan den nortost Laman Karibe ta move poko poko den direkshon nortwèst, miéntras esaki ta sigui sòru pa e koriente di bientu riba nos isla keda un poko suak. Mas aleu, awe den dia un fluho di airu ménos húmedo ta impedí desaroyo di nubianan signifikante ku posibel áwaseru riba e isla. No opstante esaki, mayan djárason nubianan kapas pa produsí áwaseru lo pasa riba nos isla i laga awa kai lokalmente.

Kondishon di laman: Trankil ku altura di olanan ménos ku 1 meter (3 pia).

Sistemanan signifikante di wer tropikal: Un disturbio riba e parti tropikal di Osean Atlántiko, situá djis nortost di e islanan den nortost di Karibe ta move nortwèst. E sistema tropikal aki tin sierto potensial pa sigui desaroyá durante e próksimo dianan.

Fenómeno spesial: Ningun.

Perspektiva te djaweps mainta: De bes en kuando shelu ta bira parsialmente te hopi nublá i awa lo por kai.

Meteorólogo: Coffie

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: