MUSIKONAN SELEBRANDO OTRO DIA DI MUSIKO DEN E MOMENTUNAN MAS DIFISIL NA KÒRSOU

 

WILLEMSTAD – Awe djabièrnè dia 22 di novèmber 2019, mundu ta selebrá dia di Santa Cecilia, Patrona di Músika konforme religion katóliko. Awe ta un dia kaminda músikonan di rònt mundu, pero sigur esnan di e denominashon katóliko ta para ketu riba e trabou di ta un músiko.

Pa kiko Santa Cecilia, patrona di músikonan?

Santa Cecilia ta un di e martrenan mas apresiá a kristianismo  i ta ser respetá tokando su instrumento musikal o kanando. Tabata na 1594 ku Papa Greogrio XIII a nombra Santa Cecilia komo patrona di músika.

 

Ta ser bisá ku e dia ku ela kasa, miéntras ku músikonan tabata toka, e tabata kanta na Dios den su kurason. Ta bon pa rekordá ku e no kier a kasa. Papa Gregorio XIII a nombr’é patrona di tur músiko, pasombra ela demostrá un atrakshon iresistibel pa akortnan melodioso di e instrumèntnan. Su spiritu sensibel i apashoná pa arte,a konvertí asina su nòmber den un símbolo di músika.

E realidat di músikonan di awe

Na aña 2019, músikonan aki na Kòrsou ta pasando den un dje situashonnan di mal difísil ku hamas e pais aki a konosé. Realidat di e situashon aktual ta ku e aktividat dje músikonan pa asina ei nan por gana nan pan di kada dia, a baha drástikamente, kompará ku añanan anterior.

Un oumento di derechi di importashon, a pone ku tur kos, pero sigur un dje elementonan di mas importante na un aktividat farandulero ku ta biba alkohóliko a subi drástikamente, loke ku ta hasi sumamente difísil pa e suidadano komun i kosiente por sana asina tantu plaka den su afan pa dibertí.

Banda di esaki, nos mester a mira kon den 2019 ya no por a sigui ku e plan di trahamentu di e generashon di relevo ku ta e proyekto asina noble ku ta Formashon Musikal. No tin nada mas mihó ku duna oportunidat na suidadano talentoso pa desaroyá nan habilidat pa asina ei  siña músika i keda leu for di kos malu.

Pero awe djabièrnè dia 22 di novèmber, nos kier a manda un palabra di pabien na tur músiko di Kòrsou, apesar di e tempu difísil ku nos tur ta pasando aden. E selebrashon mes i entrega di premio Edgar Supriano i  Pen di Mérito lo tuma lugá djaluna awor. E periodo ku direktiva di AMAK a skohe pa honra i stimulá nos artistanan, ta kore di novèmber pa novèmber.

Pabien na músikonan di Kòrsou

Direktiva di AMAK