Gobièrnu i FEFFIK a firma akuerdo pa sigui finalisá e trayekto.

Gobièrnu i FEFFIK a firma akuerdo pa sigui finalisá e trayekto.

Geplaatst op 18 December 2019 dor di Ministerio Enseñansa, Siensia, Kultura & Deporte

WILLEMSTAD- Djarason 18 di desèmber 2019, Gobièrnu i FEFFIK a firma un akuerdo pa por depositá e suma korespondiente pa por sigui kana e tramite nan nesesario.

Despues di un periodo largu di interkambio, negosashon i buska solushon, Gobièrnu di Kòrsou i FEFFIK a firma e asina yamá “vaststellingsovereenkomst” kaminda e Hunta di Komisario di FEFFIK por finalisá e trayekto di personal.

Durante e periodo tras di lomba Minister Presidènt sr. Eugene Rhuggenaath, Minister di Finansas sr. Kenneth Gijsbertha i Minister di Enseñansa, Siensia, Kultura i Deporte sra. Marilyn Alcalá-Wallé a hasi tur esfuerso posibel pa sigui kana e trayekto di FEFFIK pa yega na un solushon pa algun reto. Awor ku a firma e akuerdo por depositá e suma korespondiente riba kuenta di FEFFIK pa por kaba di hasi e tramitenan nesesario.

** Riba e foto athunto por tuma nota di Minister di E.S.K.D. sra. M.Alcalá-Wallé den representashon di Gobièrnu ta firma e akuerdo huntu ku representantenan di FEFFIK den kompania di Direktor di Servisio di Skolnan Publiko sr. R. Römer, Direktor di Sektor di Enseñansa i Siensia sr. W.Kleinmoedig i Sekretario – General interino sr. C.de Graaff.

This site uses Akismet to reduce spam. Learn how your comment data is processed.

error: Content is protected !!
%d bloggers like this: