Relashoná ku Coronavírus, WHO ta deklará situashon di emergensia pa salú públiko di importansha internashonal    

Relashoná ku Coronavírus,

WHO ta deklará situashon di emergensia pa salú públiko di importansha internashonal    


Willemstad – Ministerio di Salú, Medio Ambiente i Naturalesa a tuma nota di e deklarashon di WHO riba 30 yanüari 2020, kaminda a deklará e “outbreak” di e vírus 2019-nCoronavírus, un “Public Health Emergency of International Concern (PHEIC)”.

Esaki kiermen ku e vírus tin e potensial di (sigui) plama pa mas pais i ku mester di esfuersonan kordiná di diferente pais pa evitá ku e vírus ta sigui plama. Esaki ta nifiká pa Kòrsou, ku nos ta sigui ku mesun alerta i preparashonnan pa un eventual kaso di importashon di e 2019-novel Coronavírus na nos isla. 

Un apelashon ta bai na komunidat pa keda tuma e  medidanan nesesario pa evitá ku e vírus ta plama manera: laba man regularmente, tapa boka i nanishi ora tosa òf nister, uza tissue ora ta tosa i despues benta esaki afó. Ku no tin tissue, tosa òf nister den bo èlebog òf parti ariba di brasa. Ku bo ta sinti bo kurpa malu, keda kas i si mester tuma kontakto ku bo dòkter di kas.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: