KOMUNIKADO DI KUERPO POLISIAL KÒRSOU Rekompensa di 5 mil florin pa informashon tokante kaso di asesinato.

KOMUNIKADO DI PRENSA

046 / 2020
2 febrüari 2020
Rekompensa di 5 mil florin pa informashon tokante kaso di asesinato.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Relashoná ku e kaso di asesinato ku a tuma lugá dia 6 di yanüari 2020 den Kaya Neblina,
Polis huntu ku Ministerio Públiko ta realisando investigashon pa mas pronto posibel hasi
detenshon di esun kulpabel i pa solushoná e kaso aki.
Den kuadro di esaki, ta hasi un súplika na komunidat pa koperá ku informashon ku por yuda
na detenshon di e hòmber sospechoso Xiomar Girigori Remigio Winklaar (alias Taito),
nase na Kòrsou dia 31 di mart 1999 i biba na Kaya Meteorológiko 47 (Komunikadonan di
prensa fechá 6 di yanüari no. 008/2020, 15 di yanüari 2020 no. 019/2020 i 22 di yanüari
2020 no. 033/2020).
Ministerio Públiko ta duna un rekompensa di 5 mil florin na e informashon ku por kondusí
na detenshon di e sospechoso i/o solushon di e kaso aki.
Pa duna tep riba e kaso aki, por yama e number anónimo di polis 108.
Kuerpo Polisial i Ministerio Públiko ta konta riba yudansa di komunidat pa por solushoná
e kaso aki tambe.