Korsou a gana e derechi pa organisa kampionato di karibe di softbol femenino
Korsou a gana e derechi pa organisa kampionato di karibe di softbol femenino
Federashon di softbol di Korsou ta hopi kontentu ku e notisia ku a drenta ku Korsou a gana e derechi pa organisa kampionato di Caribe. For di despues ku e selekshon nashonal di softbol femenino a konkista e titulo di kampion suramericano, direktiva a kumisa lobby den region pa trese e proximo torneo di Caribe Korsou i despues a entrega un bid ofisial pa por jega na remarke pa organisa e prestigioso torneo aki. E torneo aki ta di hopi balor pa motibu ku e pais ku titula kampion di Caribe lo gana e derecho automatikamente pa tantu Juegos Centro Americano I del Caribe na Panama City 2022 i tambe Juegos Panamericano(Panam Games) na Chile 2023.
E fecha di e kampionato Caribe pa softbol femenino lo ta di 8 pa 14 augustus 2020. Ja tin trabounan ku a start i proximamente lo intensiva e trabounan di preparashon. Den e prome siman di maart Federashon di softbol lo pone un rueda di prensa pa duna mas informashon riba e kampionato aki i tambe riba e aspektonan di preparashon. Federashon di softbol mesora ta hasi uzo di e oportunidat aki pa invita tur negoshi ku kier ta parti di e evento grandi aki komo sponsor/partner pa tuma kontakto ku e presidente di Federashon Lernnerth Angela na number di telefon 5177100 of mail csberanobo@gmail.com.
