Tremendo Feria di Trabou na Sentro di Bario Montaña

Tremendo Feria di Trabou na Sentro di Bario Montaña

Geplaatst op 08 March 2020 dor di Ministerio Desaroyo Sosial, Labor i Bienestar

Tin urgensia pa haña mas persona interesá

Willemstad – E tim ku ta konsistí di Ministerio di Desaroyo Sosial, Labor i Bienestar (SOAW), Ministerio di Desaroyo Ekonómiko (MEO) i Curacao Hospitality & Tourism Association (CHATA) a organisá un Feria di Trabou na Sentro di Bario Montaña.

Despues di a organisá un enkuentro na Inter-Continental University of the Caribbean (ICUC) i dos enkuentro na Sentro Multifunshonal na Barber, a disidí di organisá un enkuentro na Bándariba.

A opta pa kuminsá na Sentro di Bario Montaña. Resultado di entrevistanan ta indiká ku a bini 150 persona. For di e 150 personanan, 18 tabata bon pa drenta e projekto di CHATA, 9 mester di un evaluashon mas detayá, 3 mester bini bèk pa hiba un entrevista i 85 ta pasa pa trayektonan regular. SOAW, MEO i CHATA ta pidi pueblo pa keda pendiente pa e invitashon ku lo sali tokante e aktividat di djamars dia 12 di mart.

Minister Koeiman i Minister Mc William ta yama danki na tur esnan ku a yuda na tur e aktividatnan i ta urgi tur hende ku ta buska trabou, pa bini na e enkuentronan ku ta na kaminda.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: