Minister Jesus-Leito ta bishitá proyekto Soaux

Minister Jesus-Leito ta bishitá proyekto Soaux

 

Willemstad – Minister Jesus-Leito a hasi un bishita na e proyekto di mantenshon di kamindanan di Soaux djabièrnè último. Trabounan a avansá bastante. Primeramente a drecha diferente midi di altura pa awa por kore mané mester ta. E intenshon ta pa awa no keda riba kaya, pero pa kita awa for di riba e kayanan. 

 

Servisio pa Obra Públiko (OW) a drecha e fundeshi di kayanan. Tambe a tene kuenta ku e peaton den tráfiko ta di sumo importansha, pues a drecha e alseranan pa hende por kana. Por último a asfaltá kaya i alsera. 

 

Durante di su bishita, Minister a topa ku habitantenan di Soaux ku tabata kontentu pero preokupá paso nan tin algun dia sin mira ku ta basha asfalt. Minister Jesus-Leito a splika ku tin un falta di asfalt durante último dianan ku a kousa poko stagnashon di diferente proyekto, inkluso Soaux. 

 

Huntu ku OW i demas stakeholders ta trahando riba un solushon rápido pa proyektonan por sigui. 

 

Despues di hopi aña ku habitantenan ta sklama pa drecha e kamindanan, porfin a kuminsá. Asina Minister Jesus-Leito huntu ku OW ta traha pa drecha tur kaminda na Kòrsou poko poko ku e fondonan ku ta disponibel. Ta hasi lo máksimo ku loke tin, maske ku esaki no ta mesun tantu ku añanan anterior.

 

Minister Jesus-Leito ta positivo i ta konfia ku den korto tempu, tur kos ta kontinuá.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: