Ministerio di Salú, Medio Ambiente i Naturalesa ta informá ku…  Update situashon mundial di Novel Corona Virus-2019 (COVID -19)

Ministerio di Salú, Medio Ambiente i Naturalesa ta informá ku… 

Update situashon mundial di Novel Corona Virus-2019 (COVID -19)

Willemstad – Ministerio di Salú, Medio Ambiente i Naturalesa (GMN) ta informá ku te na e momentunan aki no tin kaso di hende infektá ku novel Coronavirus na Kòrsou. Unidat di Epidemiología i Investigashon huntu ku partnernan stratégiko ta kontinuá ku e trabounan nesesario pa evitá entrada di e vírùs mas tantu posibel i detektá kasonan ku lo por yega Kòrsou mas lihé posibel. Naturalmente e enfoke ta keda komunikashon ku nos pueblo di un forma direkto òf via di seshonnan di informashon na gruponan spesífiko. 

Problema ku yamadanan telefóniko 

Durante e periodo ku a pasa, for di ora ku a publiká e numbernan telefóniko, nos a bin ta risibí hopi yamada pa informashon relashoná ku COVID-19. Ku plaser nos ta atendé tur hende ku tin nesesidat di nos oido i ekspertisio. Sinembargo, nos a bin ta risibí yamadanan tambe ku no ta konserní ni pregunta ni inkietutnan relashoná ku COVID-19. 

Esaki ta kita un poko di e tempu ku ta nesesario pa otro yamadanan ku pregunta di seriedat drenta.   

Problemanan tékniko ku sierto numbernan publiká

A surgi un situashon ferfelu ku uso di sierto numbernan publiká pa komuniká ku personal di unidat di Epidemiología i Investigashon. E numbernan 0800-0888 i 9345 no ta funshoná pa tur kompania telefóniko, esta, nan ta aksesibel solamente via liña fiho, telefònnan ku number di CHIPPIE. Si un hende bèl for di otro number e ta keda ring “sin wòrdu atendé” òf e ta kai den studio di un radio-emisora lokal. Nos ta pidi nos diskulpa pa esaki.

Pa remediá esaki

Miéntras tantu a opta ku pa pregunta, inkietutnan, petishon pa seshon di informashon por komuniká ku unidat di Epidemiología i Investigashon durante oranan di trabou na 432-2850, 432-2851 i 432-2855 (por laga nòmber i number di selular riba aparato di kontesta pa eventualmente nos tuma kontakto despues).

Nos ta pidi nos diskulpa pa tur posibel inkonbeniensia.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: