KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNUNOTISIA

Komunikado di Parlamento

DJAMARS dia 31 di mart 2020, Parlamento di Kòrsou a bini huntu den un reunion pa asina nan trata un proposishon pa trese kambio den e Reglamento di Orden di Parlamento pa hasi reunionnan virtual (hasiendo uso di medionan digital) posibel. 

 

Korsou aktualmente ta konfrontando e echo ku e virus COVID-19 a yega nos pais i Gobiernu di Korsou ku tur instansia ku tin ku salbaguardia salud publiko ta hasiendo e trabounan nesesario pa mitigá kualkier efektonan negativo ku medidanan di seguridat lo por tin riba funshonamentu di nos komunidat. 

 

Mirando ròl demokrátiko ku Parlamento tin komo e organo di mas haltu ku ta representá nos pueblo, e komishon sentral a reuni riba un proposishon di e lidernan di frakshon pa despues formalisá esei den un reunion públiko. Pa hasi reunion via medionan digital posibel, mester  ahustá e Reglamentu di Orden di Parlamento.  Pa e reunionnan aki Parlamento a tene su mes na e medida di mantene distansia sosial. 

Tur e frakshonnan den Parlamento a aprobá e kambio. Pues entrante awor ta posibel pa Parlamento reuní riba temanan vital den forma virtual si sirkumstansianan ekstra-ordinario ta rekerí esaki.

 

639114718427035"
639114718427035"