KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIANOTISIA POLISIAL

Polis ta yuda ku repartishon di komestibel na esnan den nesesidat.

KOMUNIKADO DI PRENSA 153 / 2020
15 aprel 2020
Polis ta yuda ku repartishon di komestibel na esnan den nesesidat.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Den kuadro di trabounan ku mester keda realisá pa asina ei komestibel por yega na esnan
mas den nesesidat, Kuerpo Polisial a duna un man den repartishon di e diferente
paketenan.
Awe djarason 15 di aprel 2020, polis a tuma e promé paketenan na “voedselbank” i a
kuminsá yuda ku destribushon na e famianan ku tabatin mas urgensia di esakinan.
E regisornan di bario ku ta stashoná na e diferente wardanan di polis a koperá ku
trahamentu di un lista di famianan den mas nesesidat den nan área di kuido.
Despues di a entregá e nòmbernan aki na S.O.A.W., a kordiná pa e famianan aki awe a risibí
nan pakete di manera ku por kuminsá aliviá e situashon di alimentashon serka e
siudadanonan aki.
Di e forma aki polis, konsiente di e nesesidat i urgensia pa kuminda riba mesa den diferente
kas ku a bin ta sufri debí na Covid-19, a saka un man i yuda esnan ku ta dependé di gobièrnu
i otronan den komunidat ku sí por sobreviví òf karga ainda ku e situashon.
Den tur e esfuerso grandi ku polis ta hasi pa mantené òrdu públiko i sòru pa tur siudadano
kumpli ku lei i kuida nan salú, e ta traha espasio tambe pa mustra su konbibensia ku esnan
ku tin mester di yudansa den e momentunan difísil aki tambe.

639114718427035"
639114718427035"