1000 pakete di komestibel den 3 ora

1000 pakete di komestibel den 3 ora

Samenwerkende Hulporganisaties Curacao (SHC) djabièrnè último a produsí 1000 pakete di komestibel pa Voedselbank. SHC ta konsistí di diferente organisashon manera Voedselbank Curacao, Fundashon Kòrsou Solidario i Duradero, Unidat di Bario Kòrsou,
Aliansa Curacao, Human Right Defense Curaçao, Pastoral Social Caritas Willemstad &
Rotary Club Willemstad ku a sera kabes pa yuda Voedselbank kumpli ku e demanda grandi di hendenan den nesesidat.
Un kantidat di 50 boluntario a traha e paketenan den menos ku 3 ora. No ta promé biaha ku SHC ta hasi esaki. Bièrnè Santu SHC a drecha 850 pakete i djamars 14 di aprel e kantidat ei a subi yega 900. E produktividat ta sigui subi komo e liña di produkshon i kordinashon ta mehorá kada dia. E rutina a pone ku 50 boluntario ku mondkapje i hanskun teniendo kuenta ku e 2 meter di distansha sosial, por a realisá henter e trabou di traha pakete, apartá e kantidat pa kada destinashon i pone riba palèt pa transporte den un tempu hopi kòrtiku. Ora nan a kaba a reina un alegría pa e trabou kumplí i tur hende a bati man. Den simannan benidero SHC lo sigui rekoudá fondo i produsí pakete di komestibel pa Voedselbank. Pa mas informashon tokante SHC bishitá e página di Facebook Samenwerkende Hulporganisaties Curaçao o e wèpsait https://ksd.cw/

This site uses Akismet to reduce spam. Learn how your comment data is processed.

error: Content is protected !!
%d bloggers like this: