Dos detenshon i konfiskashon di arma di kandela.

KOMUNIKADO DI PRENSA 208 / 2020
19 mei 2020
Dos detenshon i konfiskashon di arma di kandela.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 19 di mei 2020 alrededor di 18.43’or Sentral di Polis a risibí informashon di
un kaso di menasa ku arma di kandela riba Seru Fortuna.
Mesora a dirigí unidatnan na e sitio.
Na nan yegada nan a bin topa un hòmber ku tabata riba un katapila hasiendo
trabounan di limpiesa riba un tereno, ku a deklará na polis ku bèrdat un ratu pasá e
tabatin un interkambio di palabra ku un bisiña di e tereno na unda e tabata hasi
trabou.
Polis a buska riba e katapila i tambe den e bisendario di esaki.
Den un pida boskòshi, polis a bin topa un pistol, ku a keda konfiská.
Na e sitio polis a detene alrededor di 19.37’or, e dos hòmbernan sospechoso F.F.L.
di 26 aña di edat i E.E.L. di 45 aña di edat, ambos nase na Kòrsou.
A presentá e sospechosonan dilanti di un fiskal ouksiliar ku a ordená nan
enkarselamentu, pendiente di mas investigashon.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: