KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

DEPORTENOTISIA

FFK KU PAKETENAN DI SOSTEN PA FAMIANAN DEN NESESIDAT!

FFK KU PAKETENAN DI SOSTEN PA FAMIANAN DEN NESESIDAT!

 

Kòrsou, meskos ku tur e otro paisnan rònt mundu ta enfrentando momentunan difísil, debí na Covid-19. Esaki tin komo konsekuensia ku desempleo i pobresa a oumentá konsiderabelmente riba nos isla. FFK ta siguiendo e filosofia di FIFA ku ta bisa ku futbòl mester mustra solidaridat i union globalmente na e momentonan aki. Demostrando ku nos por traha huntu komo famia den futbòl i uní manera un tim.  

 

FFK tin un deber sosial ku nos komunidat i ta duna su aporte na problemanan agudo di nos sosiedat. Nos tambe ta kombibí ku nos miembronan den e tempu d​​ifisil aki. Yudando otro nos ta mas fuerte den bida i den tur kos ku nos hasi. P’esei direktiva huntu ku staf i pèrsonal di FFK ke duna nos rumannan den futbòl un man. Esaki den forma di 250 pakete di sosten ku komestibel variá pa sostené famianan den nesesidat.

 

Den kuadro di e inisiativa aki FFK tin un responsabilidat sosial firmá ku FIFA, ku direktiva ke kumpli kuné stipulá den e ‘Contract of Agreed Objectives’ (CAO) bou di e artíkulo ‘Capacity Building’ i kondishonnan stipulá den ‘FIFA Forward Regulations’ 2.0 ártikulo 6 paragraf 4b. 

 

Di e forma aki FFK ke duna su granito na pueblo di Kòrsou ku ta pasando den momentunan difisil, meskos ku sobra di mundu ku a keda afektá pa e pandemia aki. 

 

29 mei 2020

 

Leave a Reply

This site uses Akismet to reduce spam. Learn how your comment data is processed.