Pronóstiko di tempu pa Kòrsou i bisindario bálido te djaweps mainta 06:00 o.l., 4 di yüni 2020.

 

Pronóstiko

Pronóstiko di tempu pa Kòrsou i bisindario bálido te djaweps mainta 06:00 o.l., 4 di yüni 2020.
Kompilá: djarason 3 di yüni 2020, 05:00 o.l. (09:00 UTC).

Tempu: Parsialmente nublá i generalmente seku. Stòf prosedente di Sahara lo bolbe redusí e bista den nos region.

Temperatura máksimo lo alkansá 33ºC i temperatura mínimo 26ºC.
Solo ta sali 06:10 i ta baha 18:58 o.l.

Bientu: Direkshon ost i moderá te basta fuerte: forsa 3 te 5 (12 te 39 km/ora, 7 te 21 nudo). Prinsipalmente den dia, ráfaga posiblemente fuerte; forsa 6 (40 te 50 km/0ra, 22 te 27 nudo).

Situashon general: No ta antisipá nubia signifikante riba nos region durante di próksimo 24 ora. Pa e motibu aki, un wer generalmente seku lo prevalesé. Mas aleu, e bista lo bai ta un poko limitá durante di próksimo dianan, debí na presensia di stòf di Sahara.

Kondishon di laman: Por lo general moderá ku altura di olanan entre 0.5 i 1.5 meter (2 i 4 pia).

Sistemanan signifikante di wer tropikal: Tormenta Tropikal Cristobal tabata situa mainta den Golf di Mexico. E sistema aki no ta forma menasa pa ningún di e islanan A,B,C, tampoko pa e sobra islanan den laman Caribe.

Fenómeno spesial: Ningun.

Perspektiva te djabierne mainta: Parsialmente nublá ku chèns pa algu di áwaseru. Bientu lo bira gradualmente mas fuerte.

Meteorólogo: Abraham.