Un detenido ta un ser humano meskos ku nos tur, dikon tin ku dun’e speransa falsu pa despues trapa riba su derechinan ku ta ankra den nos leinan

 

 

Un detenido ta un ser humano meskos ku nos tur, dikon tin ku dun’e speransa falsu pa despues trapa riba su derechinan ku ta ankra den nos leinan

 

Direktiva di MFK ta lamentá e trato ku ta duna detenidonan den Sentro di Detenshon i Korekshon Kòrsou (SDKK).

 

No por ta asina ku na momento ku un detenido drenta prisòn ta informe riba su derechinan i tambe a base di leinan ku rigi nos pais ta informá e detenido su fecha pa bai kas, ku verlòf. Esaki tumando na kuenta ku 15% di redukshon di nan kastigu manera a keda dekretá na 2005 i ku esaki ta tuma lugá pa medio di kòntròl elektróniko.

 

Pa awor direpente ta informá detenidonan ku e dekreto aki no por wòrdu apliká debí ku no tin banchi elektróniko i e ku tin retraso den atministrashon di reclassering debí na COVID-19. Miéntras ku nos tur sa ku durante di e “lockdown” pa COVID-19, kasi tur departamento i empleadonan di gobièrnu a sigui funshoná pa medio di konekshon virtual.

 

No ta hustu pa hunga ku sentimentu di ningun detenido, dor di duna e detenidonan speransa falsu. Tur detenido ta anhelá pa nan fecha di bai kas yega, pa asina nan por bandoná SDKK i no ta hustu pa ora e fecha ta yegando pa informá e detenido ku pa fayo di gobiernu e no por bai kas.

 

Direktiva di MFK lo aserka frakshon di MFK den Parlamento pa sea pa medio di un reunion públiko i/òf karta ku pregunta na Minister di hustisia pa asina aklará e loke ku ta sosodiendo ku e detenidonan i dikon ta trapa riba nan derechinan. Asina sali na derechi di tur detenido ku a ser perhudiká pa forma iresponsabel aki di gobiernu di Kòrsou (lesa Minister di hustisia).

 

Na nòmber di direktiva di MFK

 

Dorothy Pietersz-Janga

Presidente

This site uses Akismet to reduce spam. Learn how your comment data is processed.

error: Content is protected !!
%d bloggers like this: