Un biaha mas ta konfiská reda di horka

Un biaha mas ta konfiská reda di horka

E tim di Wardakosta a bai kontrolá na diferente parti di kosta di laman abase di informashon
tokante uzo di reda di horka. Durante e simannan tras di lomba a haña diferente reda di horka i
a tuma e redanan den beslag. Resientemente un tim di Metal Shark a topa algun piskadó
anochi na altura di Sta. Martha ku tabata pone un reda di horka. E tim di Metal Shark a tuma e
reda den beslag i riba òrdu di fiskal a destruí esaki. E tres hòmbernan ku tabata pone e reda a
risibí un but. Nan no tabatin dokumentonan di nabegashon (scheepsdocumenten) huntu ku nan
i pa e motibu akí nan boto a ser tuma den beslag.
Reda di horka òf ‘trammelnet’ ta un nèt ku piskánan ta landa bai aden, pero no por sali mas
pasobra nan kaikai ta keda pega den e nèt. E nètnan akí ta traha di diferente kapa lokual ta
pone ku e piská ta pega den dje. E prohibishon riba e nètnan akí ta pa motibu ku hopi otro tipo
di animal ku ta biba den awa por keda pega aden, manera ‘by-catch’ i piskánan chikitu. Esaki ta
duna komo resultado ku e medioambiente i fauna marítimo ta ser afekta. Wardakosta lo keda
vigilá i kontrolá e uzo di e nètnan aki abase di e lei di aña 2004. Den kaso ku konstatá uzo di
reda di horka i/òf ‘trammelnet’ esaki lo ser konfiská i e piskadó ta haña un but.

 

Weer kiewnetten in beslag genomen

De Kustwacht is naar aanleiding van een aantal meldingen van gebruik van kiewnetten op
onderzoek gegaan langs de kust. Gedurende de afgelopen weken hebben de kustwachters, op
basis van de meldingen, verschillende kiewnetten gevonden. Een Metal Shark team kwam
recent in de avonduren bij Sta. Martha een paar vissers tegen die ook een kiewnet hadden
gespannen. De kustwachters hebben het net meegenomen en in overleg met de officier van
justitie vernietigd. De drie mannen hebben een boete gekregen en het vaartuig is in beslag
genomen omdat men geen geldige scheepsdocumenten kon tonen.
Kiew- of trammelnetten zijn netten waar een vis in zwemt, maar er vervolgens niet meer uit kan
omdat de kieuwen van de vis in het net blijven hangen. Deze netten die in zee worden geplaatst
bestaan uit meerdere lagen waardoor de vis verstrikt raakt. Er is een verbod op het gebruik van
deze netten omdat al het leven in zee, ‘by-catch’ en kleine vissen, in de netten terecht komen.
Dit brengt de populatie van de onderwater fauna in gevaar. Er geldt om deze redenen een
verbod op het gebruik van deze netten op zowel Curaçao als Klein Curaçao. Gelet op de
visserijverordening uit 2004 blijft de Kustwacht streng controleren op het gebruik van deze
netten. Indien kiew- of trammelnetten worden waargenomen gaat de Kustwacht over tot het in
beslag nemen van deze netten en kan de visser een boete krijgen.

This site uses Akismet to reduce spam. Learn how your comment data is processed.

error: Content is protected !!
%d bloggers like this: