Premier Evelyn Wever-Croes:  PREMIER EVELYN WEVER-CROES A ASISTI NA CELEBRACION DI DIA DI FILIPINAS

Premier Evelyn Wever-Croes: 

 

PREMIER EVELYN WEVER-CROES A ASISTI NA CELEBRACION DI DIA DI FILIPINAS

Diadimingo 14 di juni ultimo, Filipinas a celebra 122 aña di independencia. E aña aki e celebracion tabata diferente debi na e Corona crisis. Diadomingo ultimo a celebra e momento historico aki cu un Santo Sacrificio di Misa na Misa Santa Ana na Noord y Premier Evelyn Wever-Croes y su esposo tambe a asisti. 

Na final Premier a felicita e comunidad Filipino na Aruba y a gradici nan pa laga nan hogar y bin yuda nos desaroya nos economia y contribui tambe na e prosperidad di Aruba ocupando posicionnan den casi tur ramo di trabou, sea ta e di mas humilde te na posicionnan ehecutivo. Un comunidad cu a prueba di ta confiabel como trahado y como ciudadanonan respetoso y ehemplar.

Premier a remarca cu Aruba ta pasando den temponan dificil, pero a pidi tur pa tin fe y confiansa y optimismo pasobra Aruba ta bay sali di e crisis aki y lo sali mas fuerte cu antes. Consul Honorario di Filipinas sra. Amy Mendes a gradici y felicita tur Filipino y especialmente Premier pa su presencia.