PROTOKÒL F.F.K. PA RE-START KAMPIONATONAN 2019-2020 PROMÉ I DI DOS DIVISHON

PROTOKÒL F.F.K. PA RE-START KAMPIONATONAN 2019-2020

PROMÉ I DI DOS DIVISHON

 

E siguiente reglanan ta segun e nòrmal nobo derivá for di e Pandemia Corona Virus Covid-19

 

1. GENERAL:

 

1. Hungadó, miembronan di e kuerpo tékniko di e klup i tambe su dirigentenan tin ku keda kas [pues no presentá na tereno/stadion] na momento ku tin e síntomanan manera ferkout, grip (verkoudheid en griep), tosa, falta di rosea òf keintura (for di 38° C);
2. Hungadó, miembronan di e kuerpo tékniko di e klup i tambe su dirigentenan tin ku keda kas [pues no presentá na tereno/stadion] na momento ku un miembro di su famia tin e sintomanan manera ferkout, grip (verkoudheid en griep), tosa, falta di rosea òf keintura (for di 38° C). 

Ora un miembro di e famia ku ta infektá no ta manifestá ni un di e kehonan ya menshoná despues di 24 ora, por reanudá e aktividat deportivo i presentá na tereno.

1. Hungadó, miembronan di e kuerpo tékniko di e klup i tambe su dirigentenan tin ku keda kas [pues no presentá na tereno/stadion] si su pèrsona drenta den kontakto ku un pèrsona òf un miembro di kas ku a tèst positivo riba Corona Virus Covid-19.

Por presentá na tereno (reanudá e aktividat deportivo) despues di a keda den karentena, kual ta un mínimo di 14 dia aislá sin rasgo di enfermedat.

1. 1. Hungadó, miembronan di e kuerpo tékniko di e klup i tambe su dirigentenan ta tene kuenta ku e puntonan i kriteria di higiena stipulá pa Ministerio di Salubridat (GMN) ku ta e.o.; LABAMENTU DI MAN KU AWA I HABON, USO DI ‘HANDSANITIZER’, tosamentu i nister parti paden di bo ‘eleboog’.
   2. Te ku un próksimo aviso tur wega ta tuma lugá riba tereno/stadion será, ku otro palabra lo no pèrmití públiko (ningun pèrsona) pa ta presente na weganan. Pues no presentá na weganan ku partner i/o yu. Ta pèrmití solamente 7 miembro di direktiva di kada klup presensiá e wega aplikando distansia sosial.

 

• E aspektonan sanitario ta konta tambe pa entrenamento di kada klup.

 

1. Tur pèrsona ku drenta stadion tin ku registrá obligatoriamente na porta promé ku por haña pèrmit pa drenta.

 

1. STADION/TERENO:

 

1. Na momento di sali kas/baha for di auto òf bùs pa bai tereno usa ‘handsanitizer’ òf  laba bo man ku habon/alkohòl i bin ku bo bidòn (bo bòter di awa); no bebe awa for di bidòn di otro pèrsona i tampoko usa kùp ku ya a keda usá;
2. Ora yega stadion/tereno kada pèrsona tin ku desinfektá nan man ku ‘handsanitizer’ ku lo ta disponibel na porta i despues ta pasa e kontròl di seguridat;
3. Por hasi uso di kamerin pa bisti unifòrm, pa risibí masashi i tambe baña despues di wega. Na momento di drenta kamerin no saludá ku man. Tuma unifòrm i bisti esaki den un tempu relativamente korto i warda instrukshon pa loke ta e parti di ‘warm up’;
4. Despues di kòntròl di ‘doping’ mester kòrda desinfektá e mannan;
5. Durante di un ‘warm up’ si ta usa ‘hesjes’ no ta pèrmití pa un ‘hesje’ wòrdu usá pa mas ku un hungadó.
6. No ta saludá rèfri i otro hungadónan ku man na inisio i/o final di wega, pero si un saludo ku kabes (hoofdknik).
7. No ta skupi ni nister riba tereno
8. Selebrashon di gol mester sosodé lo mas korto posibel i preferibel sin aglomerashon di hungadónan.
9. Tur material di wega e.o. bala mester keda desinfektá despues di wega;
10. Despues di wega ta bandoná tereno i bai kamerin pa entregá unifòrm. Despues di e entrega ta   bandoná kamerin lo mas antes ku ta posibel; esnan ku ta tuma un baño mester perkurá pa no tin aglomerashon i mester mantené distansia.
11. No ta pèrmití hungadónan ni dirigente ni direktiva keda den stadion despues ku wega terminá. Tin ku desalohá mas rápido posibel i usa ‘handsanitizer’ na salida.
12. Na momento ku ta hasi uso di tualèt mester kòrda laba man.