Relashoná ku dia di bandera 2020 Parlamento ta Partisipá na kampaña di informashon di Kas di Kultura

 Relashoná ku dia di bandera 2020

Parlamento ta Partisipá na kampaña di informashon di Kas di Kultura

 

Djaluna mainta dia 22 di yüni 2020, Presidente di Parlamento señora Ana-Maria Pauletta a risibí funshonario di Kas di Kultura señora Sue-Ellen Cijntje na su despacho. Esaki tabata relashoná ku e echo ku e aña aki Parlamento di Kòrsou ta bai partisipá na e siklo di informashon ku Kas di Kultura a lansa pa ku e dia di selebrashon di nos símbolo di union i forsa nashonal esta nos bandera. Presidente señora Pauletta a risibí un pakete ku ta konsistí di un foyeto di informashon i un kues digital pa miembronan di Parlamento. E pakete di informashon aki lo ser repartí na nos skolnan pa alumno i studiantenan. Parlamento lo partisipá aktivo den e kampana di konosementu aki pa miembronan di Parlamento ta na altura dje historia i nifikashon dje simbologia pa ku nos bandera Nashonal.

Deskripshon dje potrèt; Momentu ku Presidente di Parlamento sra. Ana-Maria Pauletta a risibí e pakete di informashon di sra. Sue-Ellen Cijntje di Kas di kultura den presensia di Grefir di Parlamento sr. mr. Silvin Cijntje.

This site uses Akismet to reduce spam. Learn how your comment data is processed.

error: Content is protected !!
%d bloggers like this: