Pronóstiko di tempu pa Kòrsou i bisindario bálido te djamars mainta 6:00 o.l., 7 di yüli 2020.
Pronóstiko
Pronóstiko di tempu pa Kòrsou i bisindario bálido te djamars mainta 6:00 o.l., 7 di yüli 2020.
Kompilá: djaluna 6 di yüli 2020, 05:00 o.l. (09:00 UTC).
Tempu: Shelu lo ta parsialmente te hopi nublá ku algun áwaseru pasahero. Despues di un wer por lo general seku durante di mèrdia, ta antisipá awe nochi i mayan djamars algun rònt mas ku áwaseru.
Temperatura máksimo lo alkansá 32ºC i temperatura mínimo 26ºC.
Solo ta sali 06:16 i ta baha 19:05 o.l.
Bientu: Direkshon ost i por lo general moderá; forsa 3 te 5 (12 te 39 km/ora, 7 te 21 nudo). Prinsipalmente den áwaseru, ráfaga de bes en kuando fuerte; forsa 6 (40 te 50 km/ora, 22 te 27 nudo).
Situashon general: Un ola tropikal awe mainta ta avansá wèst riba parti oriental di Laman Karibe. E airu húmedo e instabil ku ta kompañé por produsí algun áwaseru riba i rondó di nos isla. Ademas ta premirá ku e fluho di airu húmedo lo kontinuá te mitar di siman ku periódikamente algun áwaseru por lo ménos te djárason. Di otro un banda, bientu por lo general moderá lo prevalesé i esaki lo sòru pa laman sigui basta trankil.
Kondishon di laman: Trankil te moderá ku altura di olanan serka di 1 meter (3 pia).
Sistemanan signifikante di wer tropikal: Depreshon Tropikal Sinku a intensifiká i djadumingu anochi lat esaki a keda denominá komo Tormenta Tropikal Edouard, miéntras e ta sigui den direkshon di laman grandi riba Osean Atlántiko. E sistema tropikal aki no ta un menasa pa Kòrsou.
Fenómeno spesial: Ningun.
Perspektiva te djárason mainta: Gradualmente ménos nubia, miéntras awa por kai ainda riba djárason mainta.
Meteorólogo: Coffie
| Day: | Djaluna | Djamars | Djárason | Djaweps | Djabièrnè |
 áwaseru aislá |
vários áwaseru |
áwaseru aislá |
 parsialmente nublá |
parsialmente nublá |
|
| Rain probability: | 40% | 60% | 40% | 0% | 0% |
| High: | 32ºC / 90ºF | 31ºC / 88ºF | 31ºC / 88ºF | 32ºC / 90ºF | 33ºC / 91ºF |
| Low: | 26ºC / 79ºF | 25ºC / 77ºF | 25ºC / 77ºF | 27ºC / 81ºF | 27ºC / 81ºF |
| Sunrise time: | 06:16 | 06:17 | 06:17 | 06:17 | 06:17 |
| Sunset time: | 19:05 | 19:05 | 19:05 | 19:05 | 19:05 |
| Wave heigth (meters): | 1 – 1.5 | 1 – 1.5 | 1 – 1.5 | 1.5 – 2.0 | 1.5 – 2.0 |
